ប៉ាគីស្ថាន បានប្រើដ្រូនវាយប្រហារតាមអាកាសលើទីតាំង១០កន្លែងក្នុងប្រទេសអាហ្វហ្គានីស្ថាន បន្ទាប់ពីប្រព័ន្ធការពារដែនអាកាសរបស់ខ្លួនរកឃើញ និងបាញ់ទម្លាក់ដ្រូនដែលត្រូវបានបង្ហោះចេញពីទឹកដីអាហ្វហ្គានីស្ថាន។
ប្រភពពីសារព័ត៌មានTRT World នៅថ្ងៃទី២៤ខែកញ្ញា។
រដ្ឋមន្ត្រីព័ត៌មានប៉ាគីស្ថាន លោក Attaullah Tarar បាននិយាយថា ហេតុការណ៍នេះកើតឡើងកាលពីថ្ងៃពុធ ហើយបានចាត់ទុកការបញ្ជូនដ្រូនចូលទឹកដីប៉ាគីស្ថានថា ជា ការរំលោភអធិបតេយ្យភាព និងបូរណភាពទឹកដី របស់ប្រទេស។
លោកបានបញ្ជាក់ថា ប្រព័ន្ធការពារដែនអាកាសប៉ាគីស្ថានបានរកឃើញ តាមដាន និងបញ្ឈប់ដ្រូនទាំងអស់ មុនពេលវាអាចទៅដល់គោលដៅ។
បន្ទាប់មក ប៉ាគីស្ថានបាននិយាយថា ខ្លួនបានវាយប្រហារទីតាំង ១០ កន្លែងក្នុងអាហ្វហ្គានីស្ថាន ដែលត្រូវបានចោទថា ប្រើសម្រាប់ បង្ហោះ និងរក្សាទុកដ្រូន ទាំងនោះ ដោយអះអាងថា ជាសិទ្ធិការពារខ្លួនរបស់ខ្លួន៕
