ប្រធានាធិបតី Donald Trump បានស្វាគមន៍ប្រធានាធិបតីចិន លោក Xi Jinping នៅឯសេតវិមាន កាលពីថ្ងៃព្រហស្បតិ៍ទី២៤.០៩.២០២៦(ម៉ោងនៅក្នុងតំបន់)។
សម្រាប់កិច្ចប្រជុំកំពូលដ៏អធិកអធមដែលផ្តោតខ្លាំងលើទម្រង់ពិធីការ។
ប៉ុន្តែខ្វះខ្លឹមសារជាក់ស្តែង ដោយមិនមានសញ្ញានៃការសម្រេចបាននូវរបកគំហើញ លើបញ្ហាស្មុគស្មាញនានា ដូចជាបញ្ញាសិប្បនិម្មិត(AI) ពាណិជ្ជកម្ម តៃវ៉ាន់ និងសង្គ្រាមជាមួយអ៊ីរ៉ង់។
មេដឹកនាំទាំងពីរ និងភរិយារបស់ពួកគេបានចូលរួមក្នុងពិធីលៀងសាយភោជន៍ផ្លូវការមួយ ដែលតម្រូវឱ្យស្លៀកពាក់ឈុតផ្លូវការ (black-tie) ដោយមានការរៀបចំម្ហូបត្រីសមុទ្រ (sea bass) ស្រោបដោយគ្រាប់ល្ង និងមានភ្ញៀវកិត្តិយសជាច្រើននាក់ដែលជាប្រធានក្រុមហ៊ុនបច្ចេកវិទ្យា។
នៅខាងក្រៅរបងសេតវិមាន មានក្រុមអ្នកតវ៉ាស្រែកតវ៉ាយ៉ាងខ្លាំងៗនូវពាក្យស្លោកដូចជា”ចិនត្រូវតែចេញពីហុងកុង”ដែលមេដឹកនាំទាំងពីរអាចឮយ៉ាងច្បាស់ ខណៈពេលដែលពួកគេកំពុងឈរថតរូបនៅលើជណ្តើរក្រាលកម្រាលព្រំក្រហមនៃសេតវិមាន។
នៅក្នុងសុន្ទរកថា អបអរសាទរពេលអាហារពេលល្ងាច លោក Trump បាននិយាយថា លោក និងលោក Xi “សុទ្ធតែយល់ថា យើងតំណាងឱ្យប្រព័ន្ធនយោបាយខុសៗគ្នា ប៉ុន្តែទំនាក់ទំនងរវាងប្រជាជនរបស់យើងនៅតែរឹងមាំ ហើយយើងមិនដែលចុះសម្រុងគ្នាល្អដូចពេលនេះឡើយ”។
បន្ទាប់មក លោក Trump បានអញ្ជើញភ្ញៀវឱ្យទៅទស្សនាទីតាំងសាលរាំថ្មីមួយដែលលោកកំពុងសាងសង់នៅក្បែរនោះ គឺប៉ុន្មានម៉ោងបន្ទាប់ពីលោកបានបង្ហាញលោក Xi នូវទីតាំងចុះចតឧទ្ធម្ភាគចក្រដែលលោកបានសាងសង់នៅក្នុងបរិវេណសេតវិមាន។
គម្រោងសាងសង់នានា គឺជាប្រធានបទដែលលោកប្រធានាធិបតីតែងតែលើកឡើងញឹកញាប់ ដោយសារលោកបានផ្តោតការយកចិត្តទុកដាក់យ៉ាងខ្លាំងលើការកែលម្អហេដ្ឋារចនាសម្ព័ន្ធរូបវន្តរបស់ទីក្រុងវ៉ាស៊ីនតោន។
លោក Xi បាននិយាយថា លោក និងលោក Trump បានពិភាក្សាគ្នាយ៉ាងស៊ីជម្រៅ និងសម្រេចបាននូវ “ការយល់ដឹងរួមលើបញ្ហាជាច្រើន” ដែលផ្តល់នូវ “ការណែនាំជាយុទ្ធសាស្ត្រថ្មីសម្រាប់ទំនាក់ទំនងរវាងចិន និងសហរដ្ឋអាមេរិក”។ លោកមិនបានពន្យល់លម្អិតបន្ថែមទេ។
លោកបានមានប្រសាសន៍ថា “ចិន និងសហរដ្ឋអាមេរិកត្រូវតែដើរតួជាប្រទេសមហាអំណាចដែលមានការទទួលខុសត្រូវ”ដោយអំពាវនាវឱ្យមាន “វិធីសាស្រ្តថ្មីសម្រាប់ប្រទេសមហាអំណាចក្នុងការរស់នៅជាមួយគ្នាដោយសុខដុមរមនា”។
កិច្ចប្រជុំនេះមានភាពគួរឱ្យកត់សម្គាល់ត្រង់ទីតាំងដែលវាបានប្រព្រឹត្តទៅ គឺនៅទីក្រុងវ៉ាស៊ីនតោន ខណៈពេលដែលមេដឹកនាំពិភពលោកជាច្រើនកំពុងស្ថិតនៅទីក្រុងញូវយ៉ក។
កិច្ចប្រជុំនេះបានធ្វើឡើងនៅចំពេលដែលមានការព្រួយបារម្ភជាសាធារណៈកាន់តែខ្លាំងឡើងអំពីការរីកចម្រើនយ៉ាងឆាប់រហ័សនៃបច្ចេកវិទ្យា AI និងនៅពេលដែលលោក Trump កំពុងជួបការលំបាកក្នុងការដោះស្រាយសង្គ្រាមមួយដែលរដ្ឋបាលរបស់លោក និងអ៊ីស្រាអែលបានចាប់ផ្តើមជាមួយអ៊ីរ៉ង់ ដែលបានធ្វើឱ្យតម្លៃថាមពលកើនឡើងយ៉ាងខ្លាំង និងជះឥ បន្ទាប់ពីដំណើរទស្សនកិច្ចរបស់លោកទៅកាន់ប្រទេសចិនកាលពីខែឧសភា លោក Trump បាននិយាយថា លោកកំពុងផ្អាកកញ្ចប់លក់អាវុធទៅឱ្យកោះតៃវ៉ាន់ដែលមានតម្លៃប្រហែល ១៤ ពាន់លានដុល្លារ ដោយចាត់ទុកវាថាជា “ឧបករណ៍ចរចាដ៏ល្អមួយ”។
ចំណាត់ការនេះបានធ្វើឱ្យសម្ព័ន្ធមិត្តអាមេរិកមួយចំនួននៅអាស៊ី និងសូម្បីតែសមាជិកគណបក្សសាធារណរដ្ឋដូចគ្នាជាមួយលោក Trump មានការព្រួយបារម្ភថា លោកអាចនឹងមានទំនោរបន្ធូរបន្ថយការគាំទ្ររបស់ទីក្រុងវ៉ាស៊ីនតោនចំពោះទីក្រុងតៃប៉ិ ដើម្បីជាថ្នូរនឹងផលប្រយោជន៍សេដ្ឋកិច្ច។
ប្រទេសចិន អះអាងថា កោះតៃវ៉ាន់ដែលគ្រប់គ្រងតាមបែបប្រជាធិបតេយ្យនោះ គឺជាទឹកដីរបស់ខ្លួន ហើយមិនបានបដិសេធលទ្ធភាពនៃការប្រើប្រាស់កម្លាំងយោធាដើម្បីគ្រប់គ្រងកោះនេះឡើយ។
ជំនួបកំពូលរវាងមេដឹកនាំទាំងពីរបានធ្វើឡើងភ្លាមៗបន្ទាប់ពីលោក Trump បានការពារយ៉ាងខ្លាំងក្លានូវការប្រើប្រាស់អំណាចយោធារបស់លោក នៅក្នុងសុន្ទរកថាមួយនៅអង្គការសហប្រជាជាតិកាលពីដើមសប្តាហ៍នេះ ដោយលើកឡើងថា លោកអាច “កម្ទេច” ប្រទេសអ៊ីរ៉ង់បាន។
ប៉ុន្តែនៅថ្ងៃព្រហស្បតិ៍ លោកបានប្រើប្រាស់សំឡេងខុសគ្នាទាំងស្រុងនៅពេលជួបជាមួយលោក Xi ដែលឆ្លុះបញ្ចាំងពីតុល្យភាពអំណាចដែលបានងាកទៅរកមេដឹកនាំចិន បន្ទាប់ពីសង្គ្រាមពាណិជ្ជកម្មមួយដែលបានបញ្ចប់ទៅដោយការដែលសហរដ្ឋអាមេរិកយល់ព្រមបន្ថយពន្ធគយ។
នៅក្នុងការថ្លែងមតិបន្ទាប់ពីលោក Xi បានមកដល់នៅថ្ងៃព្រហស្បតិ៍ លោក Trump បានសង្កត់ធ្ងន់លើ “មិត្តភាពដ៏ល្អប្រសើរ”របស់លោកជាមួយលោក Xi ជាជាងការផ្តោតលើភាពខុសគ្នានៃគោលនយោបាយ ហើយបាននិយាយថា មហាអំណាចទាំងពីរបានសម្រេចវឌ្ឍនភាពលើវិស័យពាណិជ្ជកម្ម ចាប់តាំងពីដំណើរទស្សនកិច្ចរបស់លោកទៅកាន់ប្រទេសចិនកាលពីខែឧសភាមក។
ក្នុងន័យច្បាស់លាស់ជាងនេះបន្តិច លោក Xi បាននិយាយថា ផលប្រយោជន៍របស់ប្រទេសទាំងពីរមានទំនាក់ទំនងយ៉ាងជិតស្និទ្ធជាមួយគ្នា ហើយការប្រកួតប្រជែងរវាងពួកគេគួរតែជា “ការប្រកួតប្រជែងប្រកបដោយសុខភាពល្អ”។
លោកបាននិយាយថា ក្រុមហ៊ុនអាមេរិកត្រូវបានស្វាគមន៍នៅក្នុងប្រទេសចិន ហើយបានបន្ថែមថា លោកសង្ឃឹមថា “ក្រុមហ៊ុនចិននឹងទទួលបានការប្រព្រឹត្តដោយយុត្តិធម៌នៅទីនេះ ក្នុងសហរដ្ឋអាមេរិក”។
លោក Xi ក៏បាននិយាយផងដែរថា កងទ័ពនៃប្រទេសទាំងពីរគួរតែរក្សាការសន្ទនាជាប្រចាំ ដើម្បីកែលម្អការបង្ការវិបត្តិ។
ទំនាក់ទំនងផ្ទាល់ខ្លួន ទល់នឹង ផលប្រយោជន៍ជាតិ
លោក Edgard Kagan អតីតមន្ត្រីជាន់ខ្ពស់នៃសេតវិហារ (White House) ទទួលបន្ទុកកិច្ចការអាស៊ីបូព៌ា បាននិយាយថា ការប្រើប្រាស់ពាក្យសម្តីដែលផ្ទុយគ្នានេះ បង្ហាញពីយុទ្ធសាស្ត្រខុសៗគ្នារបស់មេដឹកនាំម្នាក់ៗ។
លោក Kagan ដែលបច្ចុប្បន្នធ្វើការនៅមជ្ឈមណ្ឌលសម្រាប់ការសិក្សាយុទ្ធសាស្ត្រ និងអន្តរជាតិ (CSIS) បាននិយាយថា៖ “ប្រធានាធិបតីកំពុងបង្ហាញរឿងនេះថាជាបញ្ហាដែលពាក់ព័ន្ធយ៉ាងខ្លាំងទៅនឹងទំនាក់ទំនងផ្ទាល់ខ្លួនរបស់គាត់ជាមួយលោក Xi”។ លោកបានបន្តថា៖ “អ្វីដែលខ្ញុំយល់ថាគួរឱ្យចាប់អារម្មណ៍នោះគឺថា លោក Xi មានការប្រុងប្រយ័ត្នជាងមុន ហើយបានលើកឡើងថា វាជាបញ្ហាដែលពាក់ព័ន្ធនឹងទំនាក់ទំនងរវាង ទោះជាយ៉ាងណាក៏ដោយ គ្មានបណ្តាញទូរទស្សន៍អាមេរិក៕
