កូឡុំប៊ីបានប្រកាសកាត់ផ្តាច់ទំនាក់ទំនងការទូតជាមួយអ៊ីរ៉ង់ ដោយលើកឡើងពីបញ្ហាសន្តិសុខជាតិ និងសន្តិសុខក្នុងតំបន់អាមេរិកខាងត្បូង។
ប្រភពពីសារព័ត៌មានAA news នៅថ្ងៃទី២៥ខែកញ្ញា។
ក្រសួងការបរទេសកូឡុំប៊ីបាននិយាយថា ការសម្រេចនេះចូលជាធរមានតាំងពីថ្ងៃទី១៩ ខែកញ្ញា ដោយសារកូឡុំប៊ីចោទប្រកាន់អ៊ីរ៉ង់ថា មានទំនាក់ទំនងជាមួយក្រុមភេរវករ និងក្រុមឧក្រិដ្ឋកម្មឆ្លងដែន ព្រមទាំងមានការរំលោភសិទ្ធិមនុស្ស។
កូឡុំប៊ីក៏បានលើកឡើងពីការវាយប្រហារដែលខ្លួនអះអាងថាបានកើតឡើងលើប្រទេសដែលមិនពាក់ព័ន្ធនឹងសង្គ្រាមនៅមជ្ឈិមបូព៌ា ការរាំងខ្ទប់ច្រកសមុទ្រ Hormuz និងការរារាំងការងាររបស់ទីភ្នាក់ងារថាមពលបរមាណូអន្តរជាតិ (IAEA) ក្នុងការត្រួតពិនិត្យកម្មវិធីនុយក្លេអ៊ែររបស់អ៊ីរ៉ង់។
រដ្ឋាភិបាលកូឡុំប៊ីបាននិយាយថា បញ្ហាទាំងនេះធ្វើឱ្យប្រទេសខ្លួនបាត់បង់ការជឿទុកចិត្តលើរដ្ឋាភិបាលអ៊ីរ៉ង់។
ការសម្រេចនេះកើតឡើងបន្ទាប់ពីប្រធានាធិបតីថ្មីរបស់កូឡុំប៊ី Abelardo de la Espriella ចូលកាន់តំណែងក្នុងខែសីហា និងបានចាប់ផ្តើមរៀបចំទំនាក់ទំនងអន្តរជាតិថ្មី ដោយព្យាយាមពង្រឹងទំនាក់ទំនងជាមួយអ៊ីស្រាអែលវិញ៕
