ប្រធានាធិបតីអាមេរិក Donald Trump បានជួបប្រធានាធិបតីចិន Xi Jinping នៅសេតវិមានកាលពីថ្ងៃទី២៤ ខែកញ្ញា ដើម្បីពិភាក្សាអំពីពាណិជ្ជកម្ម បញ្ញាសិប្បនិម្មិត (AI) និងការប្រកួតប្រជែងផ្នែកយុទ្ធសាស្ត្ររវាងអាមេរិក និងចិន។
ប្រភពពីសារព័ត៌មានReuter នៅថ្ងៃទី២៥ខែកញ្ញា។
១. កិច្ចព្រមព្រៀងពាណិជ្ជកម្មត្រូវបានពន្យារពេលតែ ២ ខែ
អាមេរិក និងចិនបានព្រមព្រៀងបន្តបទឈប់សង្គ្រាមពាណិជ្ជកម្មរយៈពេល ២ ខែទៀត។ ប៉ុន្តែបញ្ហាសំខាន់ៗ ដូចជា ពន្ធនាំចូល ការទិញផលិតផលកសិកម្មរបស់ចិន ការផ្គត់ផ្គង់រ៉ែកម្រ និងការរឹតបន្តឹងបច្ចេកវិទ្យា នៅតែត្រូវបន្តចរចា។
មន្ត្រីអាមេរិកបាននិយាយថា ចិនបានបំពេញតាមការសន្យាទិញសណ្តែកសៀងប្រហែល ២៥ លានតោន ប៉ុន្តែការទិញផលិតផលកសិកម្មផ្សេងទៀតចំនួន ១៧ ពាន់លានដុល្លារ នៅមិនទាន់ដល់តាមការសន្យា ហើយការផ្គត់ផ្គង់រ៉ែកម្រក៏នៅមានបញ្ហា។
២. កិច្ចប្រជុំបង្ហាញពីការប្រកួតប្រជែងរវាងមហាអំណាចទាំងពីរ
ការជួបគ្នាផ្តោតមិនត្រឹមតែពាណិជ្ជកម្មទេ ប៉ុន្តែថែមទាំងលើ AI និងការប្រកួតប្រជែងផ្នែកយុទ្ធសាស្ត្ររវាងអាមេរិក និងចិន។
៣. Xi លើកឡើងពី “អន្ទាក់ Thucydides”
លោក Xi បានលើកឡើងពីគំនិតដែលថា នៅពេលមហាអំណាចចាស់ និងមហាអំណាចកំពុងកើនឡើងប្រកួតប្រជែងគ្នា វាអាចបង្កភាពតានតឹងកាន់តែខ្លាំង។ នេះបង្ហាញថា ទោះមានការចរចាក៏ដោយ ភាពតានតឹងរវាងអាមេរិក និងចិននៅតែមាន៕
