ប្រធានក្រុមប្រឹក្សាអធិបតេយ្យស៊ូដង់ លោក Abdel Fattah al-Burhan បាននិយាយថា ស៊ូដង់នឹងមិនចុះចាញ់ចំពោះសម្ពាធរបស់អាមេរិកទេ បន្ទាប់ពីអាមេរិកមិនបានផ្តល់ទិដ្ឋាការឱ្យលោកទៅចូលរួមកិច្ចប្រជុំមហាសន្និបាតអង្គការសហប្រជាជាតិ នៅទីក្រុងញូវយ៉ក។
ប្រភពពីសារព័ត៌មានAA news នៅថ្ងៃទី២៧ខែកញ្ញា។
លោក Burhan បាននិយាយថា ស៊ូដង់មិនត្រូវការការអនុញ្ញាតពីប្រទេសណាមួយឡើយ ហើយនឹងបន្តរក្សាជំហររបស់ខ្លួន។
លោកក៏បានបញ្ជាក់ថា គោលដៅរបស់ស៊ូដង់ គឺបញ្ចប់ការប្រយុទ្ធជាមួយក្រុម RSF ដែលកំពុងប្រយុទ្ធជាមួយកងទ័ពស៊ូដង់ តាំងពីខែមេសា ឆ្នាំ២០២៣។
ជាមួយគ្នានេះ រដ្ឋាភិបាលស៊ូដង់បានបដិសេធការលើកឡើងរបស់អាមេរិកថា កងទ័ពស៊ូដង់ និងក្រុម RSF មិនមែនជាអំណាចរដ្ឋាភិបាលស្របច្បាប់របស់ប្រទេសទេ។
សង្គ្រាមនៅស៊ូដង់បានធ្វើឱ្យមនុស្សរាប់ម៉ឺននាក់ស្លាប់ និងរាប់លាននាក់ត្រូវភៀសខ្លួនពីផ្ទះ បង្កឱ្យមានវិបត្តិមនុស្សធម៌ធ្ងន់ធ្ងរ៕
