មេដឹកនាំបក្សប្រឆាំងអ៊ីស្រាអែល៥រូប បានព្រមព្រៀងសហការគ្នា មុនការបោះឆ្នោតសភា នៅថ្ងៃទី ២៧ ខែតុលា ឆ្នាំ២០២៦ ដោយដាក់គោលដៅរួមគ្នា គឺចង់បង្កើតរដ្ឋាភិបាលថ្មីជំនួសរដ្ឋាភិបាលរបស់នាយករដ្ឋមន្ត្រី Benjamin Netanyahu។
ប្រភពពីសារព័ត៌មានAA news នៅថ្ងៃទី២៧ខែកញ្ញា។
មេដឹកនាំទាំង ៥ រូប រួមមាន Yair Lapid, Gadi Eisenkot, Naftali Bennett, Avigdor Lieberman និង Yair Golan។ ពួកគេបានព្រមព្រៀងថា មុនការបោះឆ្នោត នឹងមិនវាយប្រហារ ឬរិះគន់គ្នាទៅវិញទៅមក និងនឹងធ្វើការរួមគ្នាដើម្បីទាក់ទាញអ្នកបោះឆ្នោត។
ជាការឆ្លើយតប លោក Netanyahu បានរិះគន់ការរួមគ្នារបស់បក្សប្រឆាំង និងអះអាងថា មានតែ បក្ស Likud របស់លោកប៉ុណ្ណោះដែលអាចទប់ស្កាត់ក្រុមនេះបាន។
ទោះយ៉ាងណា មេដឹកនាំបក្សប្រឆាំងទាំង ៥ មិនទាន់ព្រមព្រៀងគ្នាថា អ្នកណានឹងក្លាយជាបេក្ខជននាយករដ្ឋមន្ត្រី ប្រសិនបើពួកគេអាចបង្កើតរដ្ឋាភិបាលបាន៕
