កូរ៉េខាងត្បូងបានទាមទារឱ្យអ៊ុយក្រែនផ្តល់ការពន្យល់ និងសុំទោសជាផ្លូវការ បន្ទាប់ពីទីក្រុងគៀវបង្ហាញព័ត៌មានអំពីការបញ្ជូនអ្នកទោសសង្គ្រាមកូរ៉េខាងជើង២នាក់ទៅកាន់កូរ៉េខាងត្បូង។
ប្រភពពីសារព័ត៌មានAl Jazeera នៅថ្ងៃទី២៨ខែកញ្ញា។
កូរ៉េខាងត្បូងនិយាយថា អ៊ុយក្រែនធ្លាប់បានស្នើឱ្យរក្សារឿងនេះជាការសម្ងាត់ ហើយភាគីទាំងពីរបានពិភាក្សាអំពីការបញ្ជូនអ្នកទោសតាមបណ្តាញផ្សេងៗ។ ប៉ុន្តែអ៊ុយក្រែនបាននិយាយថា មិនមានកិច្ចព្រមព្រៀងរក្សាការសម្ងាត់បែបនេះទេ។
កាលពីសប្តាហ៍មុន ប្រធានាធិបតីអ៊ុយក្រែន Volodymyr Zelenskyy បានប្រាប់មហាសន្និបាតអង្គការសហប្រជាជាតិថា អ៊ុយក្រែនបានបញ្ជូនទាហានកូរ៉េខាងជើង ២នាក់ ដែលត្រូវបានចាប់ខ្លួននៅតំបន់ Kursk របស់រុស្ស៊ី ទៅកាន់កូរ៉េខាងត្បូង។
ទាហានទាំងពីរត្រូវបានចាប់ខ្លួន ខណៈកំពុងប្រយុទ្ធជាមួយកងកម្លាំងរុស្ស៊ី។ លោក Zelenskyy ក៏បាននិយាយថា អ៊ុយក្រែនអាចប្រគល់អ្នកទោសទាំងនេះទៅកូរ៉េខាងជើង ប្រសិនបើអាចប្រើពួកគេក្នុងការដោះដូរជាមួយពលរដ្ឋអ៊ុយក្រែនដែលកំពុងជាប់ឃុំក្នុងប្រទេសរុស្ស៊ី។
កូរ៉េខាងត្បូងចាត់ទុកការបង្ហាញព័ត៌មាននេះថា អាចប៉ះពាល់ដល់ទំនាក់ទំនងរវាងកូរ៉េខាងត្បូង និងកូរ៉េខាងជើង ព្រមទាំងសុវត្ថិភាពរបស់អ្នកពាក់ព័ន្ធ៕
