កងកម្លាំងអាមេរិកបានចាប់ផ្តើមដកចេញពីមូលដ្ឋានយោធាដែលនៅសេសសល់ក្នុងប្រទេសអ៊ីរ៉ាក់ ដែលជាការបញ្ចប់វត្តមានយោធាអាមេរិកនៅទីនោះអស់រយៈពេលជាង២០ឆ្នាំ។
ប្រភពពីសារព័ត៌មានTRT World នៅថ្ងៃទី៣០ខែកញ្ញា។
រដ្ឋបាលប្រធានាធិបតីអាមេរិក Donald Trump កំពុងអនុវត្តផែនការដកទ័ពនេះ ដែលត្រូវបានព្រមព្រៀងគ្នាកាលពីឆ្នាំ ២០២៤ ក្នុងអំឡុងរដ្ឋបាលអតីតប្រធានាធិបតី Joe Biden។
ការដកទ័ពកើតឡើង ខណៈតំបន់មជ្ឈិមបូព៌ានៅតែមានភាពតានតឹង និងមានការប្រឈមមុខគ្នារវាងអាមេរិក និងអ៊ីរ៉ង់។ ការដកទ័ពនេះក៏ធ្វើឱ្យមានសំណួរអំពីរបៀបដែលសន្តិសុខអ៊ីរ៉ាក់នឹងត្រូវរៀបចំនៅពេលអនាគត។
អាមេរិកបានបញ្ជូនកងទ័ពចូលអ៊ីរ៉ាក់ក្នុងឆ្នាំ ២០០៣ ក្នុងសង្គ្រាមដែលដឹកនាំដោយអាមេរិក។ បន្ទាប់មក កងទ័ពអាមេរិកបានបន្តស្ថិតនៅក្នុងប្រទេស ដើម្បីធ្វើប្រតិបត្តិការប្រឆាំងការបះបោរ មុនពេលដកចេញនៅចុងឆ្នាំ ២០១១ ហើយក្រោយមកបានត្រឡប់មកវិញក្នុងបរិបទប្រយុទ្ធប្រឆាំងក្រុមរដ្ឋអ៊ីស្លាម។
ក្នុងរយៈពេលជាង ២០ឆ្នាំនៃសង្គ្រាម និងប្រតិបត្តិការយោធានៅអ៊ីរ៉ាក់ ទាហានអាមេរិកជាង ៤,៥០០នាក់បានស្លាប់៕
