នៅថ្ងៃទី២៩ ខែកញ្ញា ឆ្នាំ២០២៦ លោក Jim Farley នាយកប្រតិបត្តិក្រុមហ៊ុនFord បានព្រមានថា សហរដ្ឋអាមេរិកគួរតែប្រុងប្រយ័ត្ន និងពិចារណាឱ្យបានល្អ មុនអនុញ្ញាតឱ្យក្រុមហ៊ុនផលិតរថយន្តចិនចូលទីផ្សារអាមេរិក។
ប្រភពពីសារព័ត៌មានReuter។
លោក Farley បាននិយាយក្នុងសន្និសីទ Automotive News ថា អាមេរិកត្រូវតែ «ប្រុងប្រយ័ត្នខ្លាំង» ចំពោះរបៀបដែលក្រុមហ៊ុនផលិតរថយន្តចិនចូលមកប្រទេស។
លោកបានយក អឺរ៉ុបជាឧទាហរណ៍ ដោយនិយាយថា ក្រុមហ៊ុនរថយន្តចិនកំពុងបង្កើនការលក់ និងដណ្តើមចំណែកទីផ្សារនៅអឺរ៉ុបយ៉ាងឆាប់រហ័ស ដែលធ្វើឱ្យឧស្សាហកម្មរថយន្តក្នុងតំបន់ប្រឈមនឹងសម្ពាធខ្លាំង។ លោកថា អឺរ៉ុប «យឺតពេលពេក» ក្នុងការឆ្លើយតបចំពោះការប្រកួតប្រជែងនេះ។
ការព្រមាននេះកើតឡើង ខណៈក្រុមហ៊ុនផលិតរថយន្តចិនកាន់តែពង្រីកទីផ្សារទៅក្រៅប្រទេស ជាពិសេសតាមរយៈរថយន្តអគ្គិសនី។ ក្រុមហ៊ុនដូចជា Geely និងក្រុមហ៊ុនផលិតថ្ម CATL កំពុងមានតួនាទីកាន់តែសំខាន់ក្នុងវិស័យរថយន្តពិភពលោក៕
