ប្រធានាធិបតីអាមេរិក លោក ដូណាល់ ត្រាំ បាននិយាយកាលពីថ្ងៃទី៣០ ខែកញ្ញា ឆ្នាំ២០២៦ថា អាមេរិកគ្រប់គ្រងស្ទើរតែទាំងស្រុងលើច្រកសមុទ្រ Hormuz ដែលជាផ្លូវទឹកសំខាន់សម្រាប់ដឹកជញ្ជូនប្រេងពិភពលោក។
ប្រភពពីសារព័ត៌មានAA news។
លោក ត្រាំ អះអាងថា ក្នុងរយៈពេល៣ថ្ងៃចុងក្រោយ បរិមាណប្រេងដែលបានឆ្លងកាត់ច្រកសមុទ្រ Hormuz មានច្រើនជាងពេលណាៗទាំងអស់ក្នុងប្រវត្តិសាស្ត្រ។
លោកក៏បាននិយាយថា កម្លាំងយោធាអ៊ីរ៉ង់ត្រូវបាន «កម្ទេចទាំងស្រុង» ហើយសង្គ្រាមនឹងឈានទៅរកការបញ្ចប់ក្នុងពេលឆាប់ៗនេះ។
សហរដ្ឋអាមេរិក និងអ៊ីស្រាអែលបានចាប់ផ្តើមសង្គ្រាមជាមួយអ៊ីរ៉ង់នៅខែកុម្ភៈ។ បន្ទាប់មក អ៊ីរ៉ង់បានវាយប្រហារលើអ៊ីស្រាអែល និងគោលដៅរបស់អាមេរិកនៅក្នុងតំបន់ មុនពេលភាគីទាំងពីរឈានដល់កិច្ចព្រមព្រៀងឈប់បាញ់នៅខែមេសា។
កាលពីខែមិថុនា អាមេរិក និងអ៊ីរ៉ង់បានចុះអនុស្សរណៈយោគយល់ស្តីពីសេរីភាពធ្វើនាវាចរណ៍នៅច្រក Hormuz ប៉ុន្តែការអនុវត្តត្រូវបានផ្អាក ដោយសារភាគីទាំងពីរមិនទាន់ឯកភាពលើបញ្ហាសន្តិសុខនៅតំបន់ផ្លូវទឹកយុទ្ធសាស្ត្រនេះ៕
