នៅថ្ងៃទី១ ខែតុលា ឆ្នាំ២០២៦ រុស្ស៊ី និងអ៊ុយក្រែនបានបន្តប្រើដ្រូនវាយប្រហារលើគ្នាទៅវិញទៅមកពេញមួយយប់ បណ្តាលឱ្យមនុស្សយ៉ាងហោចណាស់៤នាក់រងរបួស។
ប្រភពពីសារព័ត៌មានAA news។
ក្រសួងការពារជាតិរុស្ស៊ីបាននិយាយថា កងកម្លាំងរបស់ខ្លួនបានវាយប្រហារមជ្ឈមណ្ឌលដឹកជញ្ជូន និងភស្តុភារនៅទីក្រុងកៀវ និងមជ្ឈមណ្ឌលទិន្នន័យមួយនៅតំបន់ Odesa។ រុស្ស៊ីក៏អះអាងថា បានស្ទាក់ និងបំផ្លាញដ្រូនអ៊ុយក្រែនចំនួន ៣៣០ គ្រឿង។
នៅកៀវ អាជ្ញាធរបានរាយការណ៍ថា ការវាយប្រហារបានបំផ្លាញអគារនៅតំបន់ចំនួន៣ ហើយឃ្លាំងមួយបានឆេះ។ មនុស្សម្នាក់រងរបួស ខណៈឃ្លាំងមួយទៀត និងសាលារៀនក៏រងការខូចខាតផងដែរ។
កងទ័ពអាកាសអ៊ុយក្រែនបានអះអាងថា ខ្លួនបានបាញ់ទម្លាក់ដ្រូនរុស្ស៊ី ៨៧ ក្នុងចំណោម ១០៧ គ្រឿង ដែលត្រូវបានបញ្ជូនវាយប្រហារនៅពេលយប់។
នៅតំបន់ព្រំដែនរុស្ស៊ី អាជ្ញាធរបាននិយាយថា មនុស្សម្នាក់អាយុ ១៦ ឆ្នាំ និងម្នាក់ទៀតរងរបួសដោយសារការវាយប្រហារដោយដ្រូន។ តំបន់ Belgorod ក៏រាយការណ៍ថា មានមនុស្ស ៤ នាក់រងរបួសក្នុងរយៈពេលមួយថ្ងៃ។
ការអះអាងរបស់ភាគីទាំងពីរ មិនអាចផ្ទៀងផ្ទាត់ដោយឯករាជ្យបានទាំងស្រុង ដោយសារសង្គ្រាមនៅតែបន្ត។ រុស្ស៊ី និងអ៊ុយក្រែនបានបង្កើនការវាយប្រហារលើមជ្ឈមណ្ឌលភស្តុភារ កំពង់ផែ និងហេដ្ឋារចនាសម្ព័ន្ធថាមពលរបស់គ្នាទៅវិញទៅមក៕
