នៅថ្ងៃទី១ ខែតុលា ឆ្នាំ២០២៦ រដ្ឋាភិបាលអង់គ្លេសបានប្រកាសដាក់ទណ្ឌកម្មថ្មីចំនួន៣១វិធានការលើរុស្ស៊ី ដើម្បីបង្កើនសម្ពាធសេដ្ឋកិច្ចលើទីក្រុងមូស្គូ មុនពេលរដូវរងាចូលមកដល់។
ប្រភពពីសារព័ត៌មានAA news។
ក្រសួងការបរទេសអង់គ្លេសបានឱ្យដឹងថា ទណ្ឌកម្មថ្មីផ្តោតលើ នាវាដឹកឧស្ម័ន LNG ក្នុង “កងនាវាស្រមោល” បណ្តាញផ្សព្វផ្សាយព័ត៌មានមិនពិតរបស់វិមានក្រឹមឡាំង និងមនុស្សដែលត្រូវបានចោទប្រកាន់ថាពាក់ព័ន្ធនឹងការធ្វើទារុណកម្មជនស៊ីវិល។
ក្នុងចំណោមនោះ មនុស្ស ៨ នាក់ ត្រូវបានដាក់ទណ្ឌកម្ម ពាក់ព័ន្ធនឹងការឃុំខ្លួន និងធ្វើទារុណកម្មជនស៊ីវិលអ៊ុយក្រែន។ មនុស្ស ៧ នាក់ទៀត ត្រូវបានកំណត់គោលដៅ ដោយអង់គ្លេសចោទថាពាក់ព័ន្ធនឹងការបណ្តុះបណ្តាល និងធ្វើឱ្យកុមារអ៊ុយក្រែនមានលក្ខណៈយោធា រួមទាំងកុមារដែលត្រូវបានអាជ្ញាធររុស្ស៊ីផ្លាស់ទីចេញពីអ៊ុយក្រែន។
អង់គ្លេសក៏បាននិយាយថា រុស្ស៊ីបានបាញ់ដ្រូនប្រើម៉ាស៊ីនយន្តហោះជាង ៣,១០០ គ្រឿង ទៅអ៊ុយក្រែនក្នុងខែកញ្ញា ដែលលើសកម្រិតខ្ពស់បំផុតដែលបានកត់ត្រាកាលពីខែសីហា។
រដ្ឋមន្ត្រីអង់គ្លេសបាននិយាយថា ទណ្ឌកម្មនេះមានគោលបំណងកាត់បន្ថយប្រាក់ចំណូលដែលជួយទ្រទ្រង់សង្គ្រាមរបស់រុស្ស៊ី និងដាក់ទំនួលខុសត្រូវលើអ្នកដែលអង់គ្លេសចោទថាបានប្រព្រឹត្តបទល្មើសធ្ងន់ធ្ងរលើជនស៊ីវិលអ៊ុយក្រែន។ អង់គ្លេសបញ្ជាក់ថា ខ្លួននឹងបន្តគាំទ្រអ៊ុយក្រែន៕
