សិស្សវិទ្យាល័យនៅតំបន់ជាច្រើនក្នុងប្រទេសបារាំង បានធ្វើបាតុកម្មនៅថ្ងៃពុធ និងថ្ងៃព្រហស្បតិ៍ ដោយដុតសំរាម និងប៉ះទង្គិចជាមួយប៉ូលិស ដើម្បីទាមទារឱ្យរដ្ឋាភិបាលផ្តល់ធនធាន និងកែលម្អស្ថានភាពនៅតាមសាលារៀន។
ប្រភពពីសារព័ត៌មានCNN នៅថ្ងៃទី២ខែតុលា។
ការតវ៉ានេះបានបន្តជិតមួយសប្តាហ៍ និងធ្វើឱ្យសកម្មភាពនៅតាមសាលារៀនមួយចំនួនមានការរំខាន។
រដ្ឋមន្ត្រីមហាផ្ទៃបារាំង Laurent Nunez បាននិយាយថា មនុស្សប្រហែល ៦២៥នាក់ ដែលភាគច្រើនជាយុវជន ត្រូវបានប៉ូលិសឃាត់ខ្លួនកាលពីថ្ងៃពុធ។ ប៉ូលិសប្រហែល ៨៣នាក់ ក៏បានរងរបួសផងដែរ។
តាមតួលេខរបស់រដ្ឋាភិបាល មនុស្ស ១៥៩នាក់ រួមមានសិស្ស និងបុគ្គលិកបង្រៀន បានរងរបួសក្នុងរយៈពេលប៉ុន្មានថ្ងៃនៃការតវ៉ា៕
