អ៊ីរ៉ង់បានកោះហៅឯកអគ្គរដ្ឋទូតអង់គ្លេសប្រចាំទីក្រុងតេហេរ៉ង់ លោក Hugo Shorter កាលពីថ្ងៃទី១ ខែតុលា ដើម្បីតវ៉ាចំពោះការចោទប្រកាន់ថា អ៊ីរ៉ង់អាចពាក់ព័ន្ធនឹងផែនការបំផ្លិចបំផ្លាញមួយនៅជិតមូលដ្ឋានទ័ពអាកាស RAF Fairford របស់អង់គ្លេស ដែលកងកម្លាំងអាមេរិកក៏ប្រើប្រាស់ផងដែរ។
ប្រភពពីសារព័ត៌មានAA news។
អនុរដ្ឋមន្ត្រីការបរទេសអ៊ីរ៉ង់ លោក Majid Takht-Ravanchi បានបដិសេធការចោទប្រកាន់នេះថា ជា “ការអះអាងមិនពិត និងគួរឱ្យអស់សំណើច” ហើយទាមទារឱ្យរដ្ឋាភិបាលអង់គ្លេសបញ្ជាក់ជាផ្លូវការ និងកែប្រែជំហររបស់ខ្លួន។
នាយករដ្ឋមន្ត្រីអង់គ្លេស Andy Burnham បាននិយាយថា មានសញ្ញាខ្លាំងបង្ហាញថា អ៊ីរ៉ង់អាចមានជាប់ពាក់ព័ន្ធនឹងករណីនេះ ប៉ុន្តែបានបញ្ជាក់ថា ការស៊ើបអង្កេតរបស់ប៉ូលិសនៅតែបន្ត និងជាករណីស្មុគស្មាញ។
មុននេះ អាជ្ញាធរអង់គ្លេសបានចាប់ខ្លួនមនុស្ស៥នាក់នៅជិតមូលដ្ឋាន RAF Fairford។ រដ្ឋមន្ត្រីការបរទេសអាមេរិក Marco Rubio ក៏បាននិយាយថា ករណីនេះពាក់ព័ន្ធនឹង “ភាគីបរទេស” មួយ ប៉ុន្តែមិនបានបញ្ជាក់ថាជាប្រទេសណាទេ។
សូមបញ្ជាក់ថា៖ RAF Fairford ជាមូលដ្ឋានដែលគាំទ្រប្រតិបត្តិការរបស់កងទ័ពអាកាសអាមេរិក ហើយត្រូវបានការពារយ៉ាងតឹងរ៉ឹងជាងមុន បន្ទាប់ពីអ៊ីរ៉ង់បានព្រមានអំពីយន្តហោះទម្លាក់គ្រាប់បែកអាមេរិកដែលប្រតិបត្តិការពីមូលដ្ឋាននេះ៕
