រដ្ឋមន្ត្រីសន្តិសុខជាតិអ៊ីស្រាអែល Itamar Ben-Gvir បាននិយាយថា តំបន់ West Bank ទាំងមូលជារបស់អ៊ីស្រាអែលហើយគ្មានភាពខុសគ្នារវាងតំបន់ A, B និង C នោះទេ។
ប្រភពពីសារព័ត៌មានAA news នៅថ្ងៃទី៣ខែតុលា។
តាមកិច្ចព្រមព្រៀង Oslo ឆ្នាំ១៩៩៥ តំបន់ West Bank ត្រូវបានបែងចែកជា ៣ផ្នែក។ តំបន់ A ស្ថិតក្រោមការគ្រប់គ្រងរបស់ប៉ាឡេស្ទីន តំបន់ B ប៉ាឡេស្ទីនគ្រប់គ្រងផ្នែករដ្ឋបាល ខណៈអ៊ីស្រាអែលគ្រប់គ្រងផ្នែកសន្តិសុខ ហើយតំបន់ C ដែលមានប្រហែល ៦០% នៃ West Bank ស្ថិតក្រោមការគ្រប់គ្រងរបស់អ៊ីស្រាអែល។
លោក Ben-Gvir ក៏បានគំរាមថា ប្រសិនបើលោកក្លាយជារដ្ឋមន្ត្រីការពារជាតិ លោកនឹងព្យាយាម រំលាយអាជ្ញាធរប៉ាឡេស្ទីន និងជំរុញឱ្យប្រជាជនប៉ាឡេស្ទីនចាកចេញពី West Bank និងតំបន់ Gaza។
លោកក៏បាននិយាយថា លោកចង់បន្ធូរបន្ថយការកំណត់លើការប្រើកម្លាំងរបស់ទាហានអ៊ីស្រាអែលនៅតំបន់ទាំងនេះ។
ការលើកឡើងនេះកើតឡើងនៅមុនការបោះឆ្នោតសភាអ៊ីស្រាអែលនៅថ្ងៃទី ២៧ ខែតុលា ខណៈគណបក្សនយោបាយនានាកំពុងប្រកួតប្រជែងគ្នា និងស្ថានការណ៍រវាងអ៊ីស្រាអែលនិងប៉ាឡេស្ទីននៅតែមានភាពតានតឹង៕
