នៅថ្ងៃទី 4 ខែតុលា នាវាផ្ទុកយន្តហោះចម្បាំងរបស់អាមេរិក USS George H.W. Bush បានមកដល់ក្បែរកោះភូកេតរបស់ប្រទេសថៃ ដើម្បីឱ្យកងទ័ពសម្រាក បន្ទាប់ពីបំពេញបេសកកម្មនៅមជ្ឈិមបូព៌ាអស់រយៈពេលជាច្រើនខែ។
ប្រភពពីសារព័ត៌មានreuter។
នាវានេះមានមនុស្សប្រហែល 4,800 នាក់ នៅលើនាវា។ នាវានឹងចតនៅសមុទ្រក្បែរភូកេត ខណៈកងទ័ពអាចចុះមកលេង និងសម្រាកនៅលើកោះភូកេត ចាប់ពីថ្ងៃទី 4 ដល់ 9 ខែតុលា។
នាវា George H.W. Bush ជានាវាផ្ទុកយន្តហោះប្រភេទ Nimitz-class ហើយត្រូវបានរាយការណ៍ថា បានប្រតិបត្តិការនៅសមុទ្រអារ៉ាប់ ក្នុងអំឡុងជម្លោះរវាងអាមេរិក និងអ៊ីរ៉ង់។
ការមកដល់នេះកើតឡើងបន្ទាប់ពីនាវាផ្ទុកយន្តហោះអាមេរិក USS Abraham Lincoln បានទៅកាន់ប្រទេសថៃកាលពីខែមុនផងដែរ។ ប្រទេសថៃគឺជា ប្រទេសតែមួយនៅអាស៊ីអាគ្នេយ៍ដីគោក ដែលមានសន្ធិសញ្ញាសម្ព័ន្ធមិត្តជាមួយអាមេរិក៕
