ប្រទេសហ្វីលីពីន ដែលកំពុងធ្វើជាប្រធានអាស៊ាន បានបង្ហាញការព្រួយបារម្ភចំពោះការវាយប្រហារតាមអាកាសរបស់យោធាមីយ៉ាន់ម៉ានៅរដ្ឋរ៉ាឃីន ដែលបណ្តាលឱ្យមនុស្សស្លាប់ របួស និងមានការបំផ្លិចបំផ្លាញ។
ប្រភពពីសារព័ត៌មានreuter នៅថ្ថៃទី៤ខែតុលា។
ការវាយប្រហារនេះបានកើតឡើងនៅទីក្រុង Kyauktaw កាលពីថ្ងៃចន្ទ។ តាមក្រុមប្រដាប់អាវុធដែលគ្រប់គ្រងតំបន់ និងអ្នកជួយសង្គ្រោះក្នុងតំបន់ បានឱ្យដឹងថា មនុស្សប្រហែល ៥០នាក់ស្លាប់ និងរាប់សិបនាក់ទៀតរងរបួស។
ហ្វីលីពីនបាននិយាយថា ក្នុងនាមជាប្រធានអាស៊ាន ខ្លួនត្រៀមជួយសម្របសម្រួលការពិភាក្សារវាងប្រទេសសមាជិកអាស៊ាន ដើម្បីស្វែងរកវិធីជួយមីយ៉ាន់ម៉ា និងស្វែងរកដំណោះស្រាយដែលដឹកនាំដោយប្រជាជនមីយ៉ាន់ម៉ាផ្ទាល់។
មីយ៉ាន់ម៉ាបានជាប់ក្នុង សង្គ្រាមស៊ីវិលទូទាំងប្រទេស ចាប់តាំងពីរដ្ឋប្រហារឆ្នាំ ២០២១។ ជម្លោះនេះត្រូវបានរាយការណ៍ថា បានសម្លាប់មនុស្សប្រហែល ១០០,០០០នាក់ និងធ្វើឱ្យមនុស្សជាង ៣.៥លាននាក់ ត្រូវភៀសខ្លួនពីផ្ទះ៕
