វិហារគ្រិស្តអូស្សូដក់ស៊ែប៊ី បាននិយាយថា គ្រិស្តបរិស័ទនៅប៉ាឡេស្ទីនកំពុងប្រឈមការបៀតបៀន និងការរើសអើង ហើយបានអំពាវនាវឱ្យការពារសហគមន៍គ្រិស្តបរិស័ទ ដែលមានប្រវត្តិនៅតំបន់នេះជាង ២,០០០ឆ្នាំ។
ប្រភពពីសារព័ត៌មានAA news នៅថ្ងៃទី៤ខែតុលា
អគ្គបុព្វជិត Porfirije បានផ្ញើលិខិតទៅមន្ត្រីប៉ាឡេស្ទីន Ramzi Khouri ដោយបង្ហាញការគាំទ្រដល់ប្រជាជនប៉ាឡេស្ទីន និងបារម្ភពីស្ថានភាពកាន់តែអាក្រក់របស់គ្រិស្តបរិស័ទ និងប្រជាជនផ្សេងទៀតនៅក្នុងតំបន់។
វិហារបាននិយាយថា គ្រិស្តបរិស័ទកំពុងរង ការឈឺចាប់ ការបៀតបៀន និងការរើសអើង ហើយបានសង្កត់ធ្ងន់ថា ការរងទុក្ខរបស់ជនស៊ីវិល មិនថាមានសាសនា ឬជាតិសាសន៍អ្វីឡើយ គឺមិនគួរកើតមានឡើយ។
វិហារក៏ព្រមានថា ការមិនអើពើ ឬរុញច្រានសហគមន៍សាសនា និងជនជាតិណាមួយចេញ អាចប៉ះពាល់ដល់សង្គម និងភាពចម្រុះផ្នែកសាសនារបស់តំបន់។ វាបានអំពាវនាវឱ្យគោរព ច្បាប់អន្តរជាតិ និងសិទ្ធិសាសនា។
គណៈកម្មាធិការប៉ាឡេស្ទីនទទួលបន្ទុកកិច្ចការវិហារ ក៏ធ្លាប់លើកឡើងពីការវាយប្រហារលើសហគមន៍ និងស្ថាប័នគ្រិស្តបរិស័ទនៅតំបន់ West Bank និង East Jerusalem ព្រមទាំងការរឹតត្បិតលើការគោរពសាសនា ការអប់រំ និងការចូលទៅកាន់ទីសក្ការៈ។
នៅតំបន់ Gaza ក៏មានការស្លាប់របស់ជនជាតិប៉ាឡេស្ទីន ៥នាក់កាលពីព្រឹកថ្ងៃសៅរ៍ ក្នុងនោះមានស្ត្រី ៤នាក់ ហើយ ២នាក់ជាគ្រិស្តបរិស័ទ៕
