កងទ័ពអាមេរិកបានវាយប្រហារលើទូកមួយដែលសង្ស័យថា ពាក់ព័ន្ធនឹងការជួញដូរគ្រឿងញៀននៅសមុទ្រការ៉ាប៊ីន បណ្តាលឱ្យមនុស្ស ៤នាក់ស្លាប់។
ប្រភពពីសារព័ត៌មានAA news នៅថ្ងៃទី៥ខែតុលា។
បញ្ជាការដ្ឋានអាមេរិកប្រចាំតំបន់ភាគខាងត្បូង (SOUTHCOM) បានឱ្យដឹងថា កងកម្លាំងរួមប្រចាំអឌ្ឍគោលខាងលិច បានធ្វើការវាយប្រហារលើទូកល្បឿនលឿនមួយ ដែលកំពុងធ្វើដំណើរតាមផ្លូវដែលគេដឹងថា ប្រើសម្រាប់ដឹកជញ្ជូនគ្រឿងញៀន។
SOUTHCOM បាននិយាយថា ព័ត៌មានស៊ើបការណ៍ដែលខ្លួនទទួលបាន បានបញ្ជាក់ថា ទូកនោះកំពុងពាក់ព័ន្ធនឹងការជួញដូរគ្រឿងញៀន។ អាមេរិកបានហៅអ្នកដែលស្លាប់ថា «ភេរវករជួញដូរគ្រឿងញៀន»។
SOUTHCOM ក៏បានបញ្ចេញវីដេអូបង្ហាញពីទូកកំពុងបើកលើទឹក មុនពេលត្រូវបានវាយប្រហារ និងផ្ទុះឆេះ៕
