កងទ័ពរបស់រដ្ឋាភិបាលយេម៉ែនដែលទទួលស្គាល់ដោយអន្តរជាតិ បានប្រកាសថា ខ្លួនបាន ដណ្តើមទីក្រុងកំពង់ផែ Mocha ពីក្រុមហ៊ូធីវិញ និងបានបើកការវាយលុកធំមួយ ដើម្បីរុញក្រុមហ៊ូធីចេញពីទីតាំងសំខាន់ៗនៅជិតច្រកសមុទ្រ Bab al-Mandeb។
ប្រភពពីសារព័ត៌មានAl Jazeera នៅថ្ងៃទី៦ខែតុលា។
ទីក្រុង Mocha មានសារៈសំខាន់ផ្នែកយុទ្ធសាស្ត្រ ដោយសារស្ថិតនៅតាមឆ្នេរសមុទ្រក្រហម និងនៅជិតផ្លូវនាវាចរណ៍សំខាន់ទៅកាន់ច្រក Bab al-Mandeb។
ការវាយលុកនេះកើតឡើង ខណៈភាពតានតឹងរវាងក្រុមហ៊ូធី និងកងកម្លាំងដែលគាំទ្រដោយអារ៉ាប៊ីសាអូឌីតកំពុងកើនឡើង។ កងកម្លាំងយេម៉ែនមានគោលដៅដណ្តើមយកទីតាំងសំខាន់ៗពីហ៊ូធី និងពង្រឹងការគ្រប់គ្រងតំបន់ជុំវិញច្រកសមុទ្រនេះ។
ជាមួយគ្នានេះ តួកគី និងប៉ាគីស្ថាន បានព្រមព្រៀងលើការដាក់ពង្រាយកម្លាំងយោធាយ៉ាងឆាប់រហ័ស ក្រោមកិច្ចព្រមព្រៀងការពារទីក្រុងមេកា ដើម្បីជួយពង្រឹងសន្តិសុខអារ៉ាប៊ីសាអូឌីត បន្ទាប់ពីមានការគំរាមកំហែងពីក្រុមហ៊ូធីចំពោះទីក្រុងមេកា និងមេឌីណា។
ទន្ទឹមនឹងនេះ អគ្គលេខាធិការអង្គការសហប្រជាជាតិ Antonio Guterres បានធ្វើដំណើរទៅប្រទេសប៉ាគីស្ថាន ដើម្បីជួបមន្ត្រីជាន់ខ្ពស់ និងពិភាក្សាអំពីកិច្ចខិតខំប្រឹងប្រែងការទូតរបស់ប៉ាគីស្ថាន ក្នុងការជួយសម្របសម្រួលការចរចារវាង អ៊ីរ៉ង់ និងសហរដ្ឋអាមេរិក៕
