មេដឹកនាំមីយ៉ាន់ម៉ា លោកMin Aung Hlaing នឹងទៅបំពេញទស្សនកិច្ចនៅប្រទេសម៉ាឡេស៊ីក្នុងពេលប៉ុន្មានថ្ងៃខាងមុខ នេះបើតាមការបញ្ជាក់របស់នាយករដ្ឋមន្ត្រីម៉ាឡេស៊ី Anwar Ibrahim នៅថ្ងៃទី៦ ខែតុលា។
ប្រភពពីសារព័ត៌មានCNA នៅថ្ងៃទី៦ខែតុលា។
លោក Anwar បាននិយាយថា លោក រដ្ឋមន្ត្រីការបរទេស និងរដ្ឋមន្ត្រីមហាផ្ទៃ នឹងជួបពិភាក្សាជាមួយមេដឹកនាំមីយ៉ាន់ម៉ា ដើម្បីលើកយកបញ្ហាសំខាន់ៗ និងស្វែងរកដំណោះស្រាយ។
ដំណើរទស្សនកិច្ចនេះកើតឡើងនៅពេលម៉ាឡេស៊ីកំពុងចាប់ផ្តើមផែនការបញ្ជូនជនជាតិមីយ៉ាន់ម៉ារាប់ពាន់នាក់ត្រឡប់ទៅប្រទេសវិញ។ កាលពីថ្ងៃអាទិត្យ មានមនុស្សជិត ១,៥០០នាក់ បានត្រឡប់ទៅមីយ៉ាន់ម៉ា។
ម៉ាឡេស៊ីបានឱ្យដឹងថា ប្រជាជនមីយ៉ាន់ម៉ាប្រហែល ៥,០០០នាក់ បានយល់ព្រមត្រឡប់ទៅវិញដោយស្ម័គ្រចិត្ត។ ទោះជាយ៉ាងណា ក្រុមសិទ្ធិមនុស្សព្រួយបារម្ភថា ក្នុងចំណោមអ្នកត្រឡប់ទៅវិញ អាចមានជនភៀសខ្លួន Rohingya ផងដែរ៕
