កងកម្លាំងដែលគាំទ្ររដ្ឋាភិបាលស៊ូដង់ បានប្រកាសថា ខ្លួនបានដណ្តើមបានតំបន់ Bir Sleiba ក្នុងរដ្ឋ West Darfur ពីក្រុម Rapid Support Forces (RSF) បន្ទាប់ពីមានការប្រយុទ្ធគ្នាខ្លាំង។
ប្រភពពីសារព័ត៌មានAA news នៅថ្ងៃទី៦ខែតុលា។
ក្រុម Joint Force of Armed Movements ដែលជាក្រុមប្រដាប់អាវុធនៅតំបន់ Darfur និងប្រយុទ្ធជាមួយកងទ័ពរដ្ឋាភិបាល បាននិយាយថា កងកម្លាំងរបស់ខ្លួន និងកងទ័ពស៊ូដង់ បានប្រយុទ្ធជាមួយ RSF នៅតំបន់ Bir Sleiba និង Abu Suruj កាលពីថ្ងៃចន្ទ។
ក្រុមនេះអះអាងថា បានបំផ្លាញ រថយន្តប្រយុទ្ធរបស់ RSF ចំនួន ៧គ្រឿង និងសម្លាប់សមាជិក RSF ជាច្រើននាក់។ ទោះជាយ៉ាងណា RSF មិនទាន់បញ្ចេញការឆ្លើយតប ចំពោះការអះអាងនេះទេ។
សូមបញ្ជាក់ថា៖ តំបន់ Bir Sleiba មានសារៈសំខាន់ ព្រោះស្ថិតនៅលើផ្លូវសំខាន់ឆ្ពោះទៅ El Geneina ដែលជារដ្ឋធានីរបស់ West Darfur។
ការប្រយុទ្ធនៅស៊ូដង់បានបន្តតាំងពីខែមេសា ឆ្នាំ២០២៣ រវាងកងទ័ពស៊ូដង់ និង RSF។ ជម្លោះនេះបានសម្លាប់មនុស្ស រាប់ម៉ឺននាក់ និងធ្វើឱ្យប្រជាជនប្រហែល ១៣លាននាក់ ត្រូវភៀសខ្លួនចេញពីផ្ទះ៕
