កាលពីថ្ងៃទី៦ ខែតុលា ឆ្នាំ២០២៦ ប៉ាគីស្ថានបានប្រកាសថា ខ្លួនបានសាកល្បងបាញ់មីស៊ីល Fatah-4 ជំនាន់ថ្មី ដែលអាចវាយប្រហារគោលដៅបានក្នុងចម្ងាយឆ្ងាយជាងមុន។
ប្រភពពីសារព័ត៌មានAA news។
យោធាប៉ាគីស្ថានបាននិយាយថា មីស៊ីលនេះផលិតក្នុងស្រុក និងបំពាក់ប្រព័ន្ធអេឡិចត្រូនិកទំនើប ព្រមទាំងប្រព័ន្ធរុករកដែលមានភាពជាក់លាក់ខ្ពស់។ ប្រព័ន្ធមីស៊ីលនេះមានសមត្ថភាពវាយប្រហារគោលដៅក្នុងចម្ងាយឆ្ងាយ ដោយមានភាពត្រឹមត្រូវ និងប្រសិទ្ធភាពខ្ពស់។
ការសាកល្បងក៏បានពិនិត្យមើលប្រព័ន្ធបច្ចេកទេសផ្សេងៗ ដើម្បីបង្កើនភាពត្រឹមត្រូវ និងសមត្ថភាពការពារខ្លួនរបស់មីស៊ីល។
ការសាកល្បងនេះមានការចូលរួមសង្កេតពីប្រធានាធិបតី Asif Ali Zardari នាយករដ្ឋមន្ត្រី Shehbaz Sharif មេបញ្ជាការកងទ័ព Asim Munir និងមន្ត្រីយោធា អ្នកវិទ្យាសាស្ត្រ និងវិស្វករជាន់ខ្ពស់៕
