នៅថ្ងៃទី៧ ខែតុលា ឆ្នាំ២០២៦ ក្រុមចម្រុះដឹកនាំដោយអារ៉ាប៊ីសាអូឌីតប្រកាសថា ខ្លួនបានស្ទាក់និងកម្ទេចមីស៊ីលបាលីស្ទិកមួយគ្រាប់ដែលក្រុមហ៊ូទីបាញ់ឆ្ពោះទៅកាន់ទីក្រុង Khamis Mushait ភាគនិរតីប្រទេសអារ៉ាប៊ីសាអូឌីត។
ប្រភពពីសារព័ត៌មានAA news។
ទូរទស្សន៍រដ្ឋអារ៉ាប៊ីសាអូឌីតបានរាយការណ៍ថា ក្រុមចម្រុះអះអាងថា ការគំរាមកំហែងដោយមីស៊ីលរបស់ហ៊ូទីមានប្រភពពី រដ្ឋធានីសាណា និងខេត្ត Saada និង Amran ក្នុងប្រទេសយេម៉ែន។ ក្រុមចម្រុះបញ្ជាក់ថា ខ្លួននឹងបន្តប្រតិបត្តិការដើម្បីទប់ស្កាត់ការវាយប្រហារដោយមីស៊ីល និងបំផ្លាញទីតាំងបាញ់មីស៊ីល។
ភាពតានតឹងតាមព្រំដែនបានកើនឡើងក្នុងរយៈពេលប៉ុន្មានថ្ងៃចុងក្រោយ។ អាជ្ញាធរអារ៉ាប៊ីសាអូឌីតនិយាយថា ការវាយប្រហារកាលពីថ្ងៃចន្ទបានបណ្តាលឱ្យមនុស្ស ៣នាក់រងរបួស និងបង្កការខូចខាតនៅអាកាសយានដ្ឋាន Jazan និង Najran។
ក្រុមហ៊ូទីបានអះអាងថា ខ្លួនបានធ្វើប្រតិបត្តិការយោធា ៣លើកប្រឆាំងគោលដៅក្នុងអារ៉ាប៊ីសាអូឌីត ដោយប្រើមីស៊ីលបាលីស្ទិក មីស៊ីល Cruise និងយន្តហោះដ្រូន។
ការកើនឡើងនៃការប្រយុទ្ធនេះកើតឡើង ខណៈកងកម្លាំងរដ្ឋាភិបាលយេម៉ែនកំពុងបន្តប្រតិបត្តិការ «Dawn of Yemen» ដើម្បីព្យាយាមដណ្តើមរដ្ឋធានីសាណា និងស្ថាប័នរដ្ឋពីការគ្រប់គ្រងរបស់ក្រុមហ៊ូទី៕
