នៅថ្ងៃទី៧ ខែតុលា កងកម្លាំងរដ្ឋាភិបាលយេម៉ែន ដែលទទួលការគាំទ្រពីអារ៉ាប៊ីសាអូឌីត អះអាងថាខ្លួនបានពង្រឹងការគ្រប់គ្រងលើកំពូលភ្នំខ្ពស់បំផុតក្នុងតំបន់ Jabal Habashi ខេត្តTaiz។
ប្រភពពីសារព័ត៌មានAl Jazeera។
ការដណ្តើមទីតាំងនេះជាផ្នែកមួយនៃប្រតិបត្តិការ «Dawn of Yemen» ដែលកងកម្លាំងរដ្ឋាភិបាលបើកឡើង ដើម្បីដណ្តើមតំបន់ដែលក្រុមហ៊ូទីកាន់កាប់។
កងទ័ពយេម៉ែនក៏បានអះអាងថា ខ្លួនបានដណ្តើមតំបន់មួយចំនួននៅជុំវិញ ច្រកសមុទ្រ Bab al-Mandab និងទីក្រុងកំពង់ផែ Mocha ពីក្រុមហ៊ូទី។ ប៉ុន្តែ ក្រុមហ៊ូទីបានបដិសេធថា ខ្លួនត្រូវបានកងកម្លាំងរដ្ឋាភិបាលរុញច្រានថយក្រោយ។
ការប្រយុទ្ធកំពុងកើនឡើង ខណៈកងកម្លាំងរដ្ឋាភិបាលព្យាយាមដណ្តើមយកទឹកដីពីក្រុមហ៊ូទី និងស្តារការគ្រប់គ្រងរបស់រដ្ឋាភិបាលឡើងវិញ៕
