នៅថ្ងៃទី៧ ខែតុលា ឆ្នាំ២០២៦ មេដឹកនាំកូរ៉េខាងជើង លោក គីម ជុងអ៊ុន បានប្តេជ្ញាថានឹងបន្តគាំទ្ររុស្ស៊ី ក្នុងលិខិតជូនពរថ្ងៃកំណើតប្រធានាធិបតីរុស្ស៊ី លោក វ្ល៉ាឌីមៀរ ពូទីន ដែលត្រូវបានប្រព័ន្ធផ្សព្វផ្សាយរដ្ឋកូរ៉េខាងជើងចេញផ្សាយ។
ប្រភពពីសារព័ត៌មានCNA។
លោក គីម បាននិយាយថា លោកនឹងបន្តផ្តល់ «ការគាំទ្រឥតប្រែប្រួល» ដល់លោក ពូទីន និងសហព័ន្ធរុស្ស៊ី។ លោកក៏បានហៅសង្គ្រាមរបស់រុស្ស៊ីនៅអ៊ុយក្រែនថា ជា «សង្គ្រាមដ៏បរិសុទ្ធដើម្បីយុត្តិធម៌» និងជឿថា រុស្ស៊ីនឹងទទួលបានជ័យជម្នះ។
ចាប់តាំងពីរុស្ស៊ីចាប់ផ្តើមការឈ្លានពានអ៊ុយក្រែនក្នុងឆ្នាំ២០២២ កូរ៉េខាងជើងបានក្លាយជាសម្ព័ន្ធមិត្តសំខាន់របស់រុស្ស៊ី ដោយបានបញ្ជូនទាហានទៅជួយកងកម្លាំងរុស្ស៊ី ជាថ្នូរនឹងអត្ថប្រយោជន៍សេដ្ឋកិច្ច និងបច្ចេកវិទ្យាយោធា។
លោក គីម ក៏បាននិយាយថា លោកសប្បាយចិត្តដែលមានទំនាក់ទំនងមិត្តភាពជាមួយលោក ពូទីន និងចង់បន្តអភិវឌ្ឍទំនាក់ទំនងរវាងប្រទេសទាំងពីរ៕
