ការវាយប្រហាររបស់កងទ័ពអ៊ីស្រាអែលនៅតំបន់ហ្គាហ្សានៅថ្ងៃទី៦ ខែតុលា ឆ្នាំ២០២៦ បានសម្លាប់ជនជាតិប៉ាឡេស្ទីន២នាក់ ព្រមទាំងបណ្តាលឱ្យមនុស្សជាច្រើននាក់ទៀតរងរបួស។
ប្រភពពីសារព័ត៌មានAA news ។
អ្នកស្ម័គ្រចិត្តផ្នែកការពារជនស៊ីវិលត្រូវបានសម្លាប់ដោយការវាយប្រហារតាមអាកាស ខណៈកំពុងធ្វើដំណើរទៅជួយអ្នករងរបួសនៅជិតមន្ទីរពេទ្យ Kamal Adwan ភាគខាងជើងហ្គាហ្សា។ ចំណែកក្មេងប្រុសអាយុ ១៧ឆ្នាំ ត្រូវបានសម្លាប់ក្នុងការវាយប្រហារដោយដ្រូននៅតំបន់ភាគខាងត្បូងទីក្រុង Khan Younis។
ក្រៅពីនេះ មនុស្សជាច្រើនបានរងរបួសដោយសារការវាយប្រហារនិងការបាញ់ប្រហារនៅតំបន់ផ្សេងៗ រួមទាំងតំបន់ Jabalia និង Khan Younis។ កងទ័ពអ៊ីស្រាអែលក៏បាន កម្ទេចអគារ នៅតំបន់ Khan Younis និងតំបន់ជាច្រើនក្នុងទីក្រុង Gaza ផងដែរ។
តាមតួលេខរបស់ភាគីប៉ាឡេស្ទីន ចាប់តាំងពីសង្គ្រាមចាប់ផ្តើមក្នុងខែតុលា ឆ្នាំ២០២៣ មក ការវាយប្រហាររបស់អ៊ីស្រាអែលបានសម្លាប់ជនជាតិប៉ាឡេស្ទីន ជាង ៧៤,០០០នាក់ និងធ្វើឱ្យជាង ១៧៥,០០០នាក់រងរបួស ខណៈហេដ្ឋារចនាសម្ព័ន្ធប្រហែល ៩០% នៅហ្គាហ្សាត្រូវបានបំផ្លាញ៕
