នៅថ្ងៃទី៨ ខែតុលា អង់គ្លេសនិងអ៊ីស្រាអែល កំពុងមានភាពតានតឹងខ្លាំងផ្នែកការទូត បន្ទាប់ពីអ៊ីស្រាអែលបញ្ជាឱ្យបិទស្ថានកុងស៊ុលអង់គ្លេសនៅក្រុងហ្សេរុយសាឡឹមខាងកើត និងឱ្យមន្ត្រីការទូតអង់គ្លេសចាកចេញពីប្រទេស។
ប្រភពពីសារព័ត៌មានAA news។
ជម្លោះនេះចាប់ផ្តើមពីការដែលរដ្ឋាភិបាលអង់គ្លេសបានដាក់វិធានការ ហាមការជួញដូរទំនិញ និងសេវាកម្មពីការតាំងទីលំនៅរបស់អ៊ីស្រាអែលនៅតំបន់ West Bank ដែលអង់គ្លេសចាត់ទុកថាខុសច្បាប់តាមច្បាប់អន្តរជាតិ។ អង់គ្លេសក៏បានដាក់ទណ្ឌកម្មលើបុគ្គល និងក្រុមហ៊ុនមួយចំនួនដែលគាំទ្រការតាំងទីលំនៅទាំងនេះ។
អ៊ីស្រាអែលបានបដិសេធការចោទប្រកាន់របស់អង់គ្លេស ហើយបានចាត់វិធានការឆ្លើយតប ដោយបញ្ជាឱ្យបិទកុងស៊ុលអង់គ្លេស និងហាមមនុស្សអង់គ្លេសចំនួន ១២នាក់ មិនឱ្យចូលអ៊ីស្រាអែល។ អ៊ីស្រាអែលក៏បានដកតំណាងអង់គ្លេសចេញពីក្រុមការងារសម្របសម្រួលអន្តរជាតិសម្រាប់តំបន់ Gaza ផងដែរ៕
