អាជ្ញាធរប្រទេសឈីលី បានប្រកាសការប្រុងប្រយ័ត្ននៅតំបន់ទីក្រុងSantiago បន្ទាប់ពីភ្លៀងធ្លាក់ខ្លាំង បង្កឱ្យមាន ទឹកជំនន់ ការរអិលបាក់ដី និងទឹកហូរតាមជ្រលងភ្នំ។
ប្រភពពីសារព័ត៌មានAA news នៅថ្ងៃទី៨ខែតុលា។
ភ្លៀងខ្លាំងបានប៉ះពាល់ដល់តំបន់ជាច្រើន។ ផ្លូវ និងផ្លូវក្រោមដីមួយចំនួនត្រូវបានជន់លិច ហើយមានការបាក់ដីនៅតំបន់ Melipilla ខណៈតំបន់ San Jose de Maipo មានទឹកហូរខ្លាំងតាមជ្រលងភ្នំ។
អាជ្ញាធរបានបញ្ជូនក្រុមសង្គ្រោះបន្ទាន់ទៅកាន់តំបន់ដែលរងផលប៉ះពាល់ ដើម្បីដោះស្រាយបញ្ហា និងតាមដានស្ថានការណ៍អាកាសធាតុ។
អាជ្ញាធរឧតុនិយមបានព្រមានថា ភ្លៀងអាចបន្តធ្លាក់ពី មធ្យមទៅខ្លាំង ហើយអាចមានផ្គររន្ទះ ព្រិលទឹកកក និងខ្យល់កន្ត្រាក់ខ្លាំងនៅតំបន់មួយចំនួន។
សេវាភូគព្ភសាស្ត្ររបស់ឈីលីក៏បានព្រមានពី ហានិភ័យខ្ពស់នៃការហូរភក់ និងការបាក់ដី ជាពិសេសនៅតំបន់ភ្នំ និងតំបន់ជម្រាល។
អាជ្ញាធរបានអំពាវនាវឱ្យប្រជាជន តាមដានព័ត៌មានផ្លូវការ និងអនុវត្តតាមការណែនាំរបស់ក្រុមសង្គ្រោះបន្ទាន់ រហូតដល់ស្ថានការណ៍អាកាសធាតុមានសុវត្ថិភាពឡើងវិញ៕
