អតីតប្រធានាធិបតីវេណេស៊ុយអេឡា លោកNicolás Maduro និងភរិយា Cilia Flores អាចប្រឈមនឹងបទចោទប្រកាន់ថ្មីពីតុលាការសហរដ្ឋអាមេរិក។ បើតាមសារព័ត៌មាន CBS បទចោទថ្មីពាក់ព័ន្ធនឹងការចោទថា ពួកគេមានជាប់ពាក់ព័ន្ធនឹងការធ្វើទារុណកម្មលើជនជាតិអាមេរិកដែលត្រូវបានឃុំខ្លួននៅពន្ធនាគារវេណេស៊ុយអេឡា។
ប្រភពពីសារព័ត៌មានBBC នៅថ្ងៃទី៨ខែតុលា។
កាលពីថ្ងៃទី៣ ខែមករា ឆ្នាំ២០២៦ កងកម្លាំងអាមេរិកបានចាប់ Maduro និងភរិយា នៅទីក្រុង Caracas ហើយនាំពួកគេទៅកាន់ទីក្រុង New York ដើម្បីប្រឈមនឹងបទចោទពាក់ព័ន្ធនឹង គ្រឿងញៀន និងអាវុធ។ ពួកគេបានបដិសេធការចោទប្រកាន់ទាំងនេះ។
លោកMaduro ក៏ត្រូវបានអាមេរិកចោទប្រកាន់ពីបទពាក់ព័ន្ធនឹងការជួញដូរកូកាអ៊ីន និងអំពើភេរវកម្មគ្រឿងញៀន។ មេធាវីរបស់ Maduro បានស្នើឱ្យតុលាការលុបចោលបទចោទ ដោយអះអាងថា លោកជាមេដឹកនាំប្រទេសមានអធិបតេយ្យភាព និងគួរតែមានអភ័យឯកសិទ្ធិ។
មេធាវីរបស់ Maduro ក៏បាននិយាយថា លោកមិនទាន់ទទួលបានការជូនដំណឹងអំពីបទចោទថ្មីណាមួយនៅឡើយទេ។ ចំណែក Flores ត្រូវបង្ហាញខ្លួននៅតុលាការសហព័ន្ធទីក្រុង New York នៅថ្ងៃព្រហស្បតិ៍ ដើម្បីស្តាប់សវនាការអំពីការធានាឱ្យនៅក្រៅឃុំ។
សវនាការកាត់ក្តីរបស់ Maduro និង Flores ត្រូវបានកំណត់ឱ្យចាប់ផ្តើមនៅ ខែមិថុនា ឆ្នាំ២០២៧៕
