(ភ្នំពេញ)៖ បន្ទាប់ពីលោកជំទាវឧកញ៉ា ហ៊ុន សុភា ដាក់ពាក្យបណ្ដឹងចូលអយ្យការ អមសាលាដំបូងរាជធានីភ្នំពេញ ដោយបានប្ដឹងចោទប្រកាន់ថា លោក ផន សុភ័ក្រ បានរំលោភលើទំនុកចិត្តខ្លួន ដែលមានទឹកប្រាក់ជិតកន្លះលានដុល្លារ! ពាក់ព័ន្ធការទិញលក់ដី១៨ហិកតា នៅស្រុកពារាំង ដោយពេលនោះលោកជំទាវ បានឱ្យលោក ផន សុភ័ក្រ ជាអ្នកឈរឈ្មោះទិញដីជំនួស.!។
*ឥឡូវនេះលោក ផន សុភ័ក្រ ចេញមុខបំភ្លឺដោយអះអាងថា វិវាទមួយនេះកើតឡើងដោយសារលោកជំទាវឧកញ៉ា ហ៊ុន សុភា ទិញដីបង់លុយមិនគ្រប់.គឺប្រគល់លុយទៅឱ្យម្ចាស់ដីបានតែ៥០%ប៉ុណ្ណោះ។
ពោលគឺ នៅខ្វះ៥០%ទៀត ម្ចាស់ដីបានជូនដំណឹងតាមរយៈលោក ផន សុភ័ក្រ ជាបន្តបន្ទាប់! ប៉ុន្តែលោកជំទាវ សុំពន្យារពេលដោយសារបញ្ហាសេដ្ឋកិច្ច!!។
*នេះបើយោងតាមលិខិតបំភ្លឺរបស់លោក ផន សុភ័ក្រ កាន់អត្តសញ្ញាណប័ណ្ណលេខ ០៦២២៦៦៦៦៦ នៅវត្តសារាសវ័ន្តតេជោ កុដិលេខ២៣ សង្កាត់ជ័យជំនះ ខណ្ឌដូនពេញ រាជធានីភ្នំពេញ ចុះថ្ងៃទី១០.១០.២០២៦ ដែលបញ្ជូនមកកាន់”ដើមរាំង”។
*លោក ផន សុភ័ក្រ បានលើកឡើងយ៉ាងដូច្នេះថា” ខ្ញុំបាទបានស្គាល់លោកជំទាវ ហ៊ុន សុភា ជាយូរឆ្នាំមកហើយនិងមានការរាប់អានគ្នាយ៉ាងស្និទ្ធស្នាល។
លុះមកដល់ចុងខែធ្នូ ឆ្នាំ២០២១ ខ្ញុំបាទ និងលោកជំទាវ ហ៊ុន សុភា បានចូលហ៊ុនជាមួយគ្នា ធ្វើការទិញដី០១ កន្លែង ដែលមានទំហំ១៨ហិកតា ស្ថិតនៅភូមិគកតូច ឃុំព្រៃស្រឡិត ស្រុកពារាំង ខេត្តព្រៃវែង ក្នុងតំលៃ៥៤០.០០០$ (ប្រាំរយសែសិបពាន់ដុល្លារ)។
ដោយពេលនោះ លោកជំទាវ ហ៊ុន សុភា បានឲ្យខ្ញុំបាទជាអ្នកឈរឈ្មោះទិញដីខាងលើពីម្ចាស់ដីឈ្មោះ ហ៊ី ហ៊ត !។
ក្រោយមកខ្ញុំបាទ និងលោកជំទាវ បានប្រគល់ប្រាក់ឲ្យម្ចាស់ដីចំនួន.៣៦០.០០០$ (បីរយហុកសិបពាន់ដុល្លារ) ស្មើនឹងតម្លៃដី៥០% ចំនួន២៧០,០០០$(ពីររយចិតសិបពាន់ដុល្លារ) តាមរយៈកិច្ចសន្យាទិញ-លក់ដី ចុះថ្ងៃទី២៨ ខែធ្នូ ឆ្នាំ២០២១ និងសល់ប៉ុន្មានសម្រាប់រត់ការផ្ទេរកម្មសិទ្ធិ!។
ចំពោះប្រាក់ថ្លៃដី៥០%ទៀត នឹងត្រូវប្រគល់ឲ្យម្ចាស់ដី នៅពេលដែលម្ចាស់ដីរត់ការផ្ទេរកម្មសិទ្ធិមកឲ្យខ្ញុំបាទរួចរាល់ ទើបខ្ញុំបាទនិងលោកជំទាវ ត្រូវប្រគល់ប្រាក់បង្គ្រប់ថ្លៃដី ចុងក្រោយឲ្យទៅម្ចាស់ដី។
លុះដល់ខែសីហា ឆ្នាំ២០២៣ ម្ចាស់ដីឈ្មោះ ហ៊ី ហ៊ត បានធ្វើការផ្ទេរកម្មសិទ្ធិដីខាងលើរួចរាល់ ហើយបាន ទាក់ទងមកខ្ញុំបាទ ឲ្យបង់ប្រាក់បង្គ្រប់ចុងក្រោយ ដើម្បីប្រគល់ប្លង់ដីមកឲ្យខ្ញុំបាទ!។
បន្ទាប់ពីបានទទួលដំណឹង ខ្ញុំបាទបានទាក់ទងទៅលោកជំទាវ ថាម្ចាស់ដីបានធ្វើការផ្ទេរកម្មសិទ្ធិរួចរាល់ហើយ ស្នើសុំឲ្យលោកជំទាវ ធ្វើការបង់ប្រាក់បង្គ្រប់ចុងក្រោយឲ្យទៅម្ចាស់ដី។
ប៉ុន្តែលោកជំទាវ ប្រាប់ថា សុំពន្យាពេលសិន ដោយសារលោកជំទាវកំពុង មានបញ្ហាសេដ្ឋកិច្ច មិនទាន់មានប្រាក់គ្រប់ចំនួនដើម្បីប្រគល់ឲ្យម្ចាស់ដីនោះទេ។
ដោយលោកជំទាវ បានឲ្យខ្ញុំបាទធ្វើ ការពន្យារពេលជាមួយម្ចាស់ដីជាច្រើនលើកច្រើនសារ រហូតដល់ថ្ងៃទី០៧ ខែតុលា ឆ្នាំ២០២៣។
ម្ចាស់ដីបានចេញ លិខិតជូនដំណឹងមកឲ្យខ្ញុំបាទដើម្បីធ្វើការទូទាត់ប្រាក់៥០% ទៀត ដែលនៅសល់ដើម្បីប្រគល់ប្លង់ដីឲ្យ ខ្ញុំបាទក៏បាន ជូនដំណឹងនេះ ទៅកាន់លោកជំទាវ ប៉ុន្តែលោកជំទាវ នៅតែមិនទាន់មានប្រាក់មកបង់ផ្តាច់នោះទេ។
ហេតុដូច្នេះហើយទើបលោកជំទាវ ឲ្យមេធាវីរបស់លោកជំទាវ និងខ្ញុំបាទរៀបចំឯកសារកិច្ចព្រមព្រៀង ចុះថ្ងៃទី៣០ ខែធ្នូ ឆ្នាំ២០២១ ឲ្យខ្ញុំបាទជាអ្នកតំណាងឈរឈ្មោះទិញដី ដើម្បីដាក់ឯកសារស្នើសុំប្រាក់ឧបត្ថម្ភពីថ្នាក់លើយកមកបង់ប្រាក់បង្កប់ចុង ក្រោយឲ្យទៅម្ចាស់ដី។
ក្រោយពីលោកជំទាវ ហ៊ុន សុភា បានទទួលប្រាក់ក្នុងដៃ ខ្ញុំបាទបានឲ្យ លោកជំទាវ ធ្វើការ ទូទាត់ប្រាក់បង្គ្រប់ឲ្យទៅម្ចាស់ដីឈ្មោះ ហ៊ី ហ៊ត ដើម្បីយកប្លង់ មកទុកក្នុងដៃ។
តែលោកជំទាវ មិនព្រមពីព្រោះលោក ជំទាវថា ប្រាក់ដែលទទួលបានពី ថ្នាក់លើ ត្រូវដកទូទាត់ឲ្យអ្នកផ្សេងទៀត ដែលលោកជំទាវ ជំពាក់ ហើយនៅពេល នោះខ្ញុំបាទក៏បានដកឃ្លាចេញពីលោកជំទាវសិន ពីព្រោះនិយាយមិនចូលគ្នាទេ។
លុះមកដល់ថ្ងៃទី០៣ ខែឧសភា ឆ្នាំ២០២៤ ខ្ញុំបាទបានទទួលលិខិតជូនដំណឹងលើកទី២ ពីម្ចាស់ដីឈ្មោះ ហ៊ី ហ៊ត បានជូនដំណឹងមកខ្ញុំបាទម្តងទៀត ។
ដើម្បីធ្វើការទូទាត់ប្រាក់៥០% ចុងក្រោយ ក្នុងការបង់ផ្តាច់ ដើម្បីប្រគល់ប្លង់ដីឲ្យមកខ្ញុំ។
ចំពោះការជូនដំណឹងជាលើកទី២នេះ ខ្ញុំបាទបានទាក់ទង ទៅលោកជំទាវដោយប្រាប់ថា ម្ចាស់ដីជូនដំណឹងមក ទៀតហើយ។
ប៉ុន្តែលោកជំទាវ នៅតែមិនមានប្រាក់ដើម្បីទូទាត់ទៅឲ្យម្ចាស់ដីដដែល ហើយនៅតែបន្តសុំឲ្យគាត់ទុក ពេលបន្តិចសិន។
ក្រោយមកនៅថ្ងៃទី២២ ខែឧសភា ឆ្នាំ២០២៤ ម្ចាស់ដីឈ្មោះ ហ៊ី ហ៊ត បានជូនដំណឹងមកខ្ញុំបាទ ម្តងទៀតថានឹងរំលាយកិច្ចសន្យាទិញលក់ អចលនវត្ថុ ចុះថ្ងៃទី២៨ ខែធ្នូ ឆ្នាំ២០២១ ចោល និងយកដីខាងលើនោះ កាត់ឈ្មោះទៅម្ចាស់ដីវិញ ពីព្រោះខ្ញុំបាទ និងលោកជំទាវ មិនព្រមទូទាត់ប្រាក់៥០% ឲ្យទៅម្ចាស់ដី។
ក្នុងពេលនោះ ខ្ញុំបាទ បានព្យាយាមសម្របសម្រួលជាមួយម្ចាស់ដី ដើម្បីសុំប្រាក់៥០% ត្រឡប់មកវិញ ប៉ុន្តែម្ចាស់ដីមិនព្រម។
បន្ទាប់មក ទៀតខ្ញុំបាទមានការភ័យខ្លាចបាត់បង់ដី និងបាត់បង់លុយ ខ្ញុំបាទក៏បានធ្វើលិខិតប្តឹងទប់ស្កាត់ទៅថ្នាក់ស្រុក ដើម្បីកុំឲ្យ ម្ចាស់ដីអាចផ្ទេរកម្មសិទ្ធិត្រឡប់ទៅវិញបាន។
មួយសប្តាហ៍ក្រោយមក ម្ចាស់ដីក៏បានទាក់ទងមកខ្ញុំបាទ ដើម្បីសុំជួបគ្នា ដោះស្រាយអំពីរឿងដីខាងលើ ពេលបានជួបគ្នា ខ្ញុំបាទក៏បានអង្វរទៅម្ចាស់ដីឲ្យគាត់អាណិតខ្ញុំបាទផង។
ដោយបាន ពិភាក្សាគ្នាមួយសន្ទុះ បន្ទាប់មកគាត់និងគ្រួសារ ក៏បានយល់ព្រមថា នឹងប្រគល់លុយ៥០% មកឲ្យខ្ញុំបាទវិញ ដោយកាត់ខាតថ្លៃផ្ទេរកម្មសិទ្ធិ និងបង់ពន្ធ។
ប៉ុន្តែលុយ៥០% នោះ ទាល់តែដីលក់បាន ទើបប្រគល់មកឲ្យខ្ញុំបាទវិញ ហើយខ្ញុំ ក៏យល់ព្រមតាមហ្នឹង ដោយបានធ្វើឯកសារព្រមព្រៀងជាមួយគ្នា។
ចាប់ពីពេលនោះមកលោកជំទាវ ហ៊ុន សុភា បានឲ្យ ជំនួយការរបស់ខ្លួនឈ្មោះ ម៉េង ជូ ធ្វើការជាមួយខ្ញុំបាទ លើបញ្ហាដីខាងលើនេះ។
ដែលរាល់ការទំនាក់ទំនង គឺធ្វើការតាម Telegram ឆាតជាសម្លេងជាមួយឈ្មោះ ម៉េង ជូ ដែលបានជជែកទាក់ទងនឹងប្រាក់មិនគ្រប់ចំនួន ទូទាត់ឲ្យម្ចាស់ដី ទេ។
ហើយឈ្មោះ ម៉េង ជូ បាននិយាយថា លោកជំទាវ បានស្នើសុំកាត់ដីចំណែក៥០% ដែលលោក ជំទាវបានបង់រួចទៅឲ្យលោកជំទាវវិញ ។
បន្ទាប់មកខ្ញុំបាទ បានទាក់ទងទៅម្ចាស់ដី ដើម្បីសុំទៅតាមអ្វីដែលលោកជំទាវ ចង់បាន តែម្ចាស់ដីមិនព្រម ពីព្រោះដីមានទំហំធំ មិនអាចកាត់ឲ្យលោកជំទាវបានទេ មានតែប្រគល់លុយ៥០% ឲ្យលោកជំទាវវិញពេលដែលលក់ដីបាន។
ក្រោយមកនៅថ្ងៃទី២៥ ខែឧសភា ឆ្នាំ២០២៥ ខ្ញុំបាទ បានទាក់ទងទៅលោកជំទាវ ដើម្បីធ្វើការដោះដូរដីរបស់ខ្ញុំបាទចំនួន៥ហិកតា ជាងដែលមានទីតាំងជិតគ្នាឲ្យទៅលោកជំទាវវិញ។
ដោយហេតុថា ម្ចាស់ដីមិនយល់ព្រមតាមការស្នើសុំ របស់លោកជំទាវនោះទេ ដោយខ្ញុំបាទបានបញ្ជូនរាល់ព័ត៌មាន និងទីតាំងដីជូនទៅលោកជំទាវរួចរាល់អស់ហើយ។
បន្ទាប់ពីលោកជំទាវ បានទទួលបានព័ត៌មានពីខ្ញុំបាទ រួចរាល់ហើយ លោកជំទាវ មិនបានធ្វើការឆ្លើយតប ឬទាក់ទងមកខ្ញុំបាទវិញទេ តាំងពីពេលនោះរហូតមក។
*លោក ផន សុភ័ក្រ សូមធ្វើការអះអាងថា សេចក្តីបំភ្លឺរបស់ខ្លួនទាំងអស់ខាងលើ គឺពិតជាត្រឹមត្រូវទាំងស្រុង និងសុខចិត្តទទួលខុសត្រូវចំពោះមុខច្បាប់បើពុំមែនជាការពិត៕
