កងទ័ពជើងទឹកបារាំងបានស្ទាក់ចាប់នាវាដឹកប្រេងមួយគ្រឿងឈ្មោះ DF Peak នៅដែនទឹកភាគខាងត្បូងកោះរេអុយញ៉ុង (Réunion) កាលពីព្រឹកថ្ងៃចន្ទ ទី១២ ខែតុលា ឆ្នាំ២០២៦ ដោយសង្ស័យថានាវានេះប្រើទង់ជាតិមិនត្រឹមត្រូវ និងពាក់ព័ន្ធនឹងការដឹកជញ្ជូនប្រេងឥន្ធនៈខុសច្បាប់។
ប្រភពពីសារព័ត៌មានAA news។
ប្រធានាធិបតីបារាំង លោក អេម៉ានុយអែល ម៉ាក្រុង បានប្រកាសថា នាវានេះត្រូវបានស្ទាក់ចាប់នៅចម្ងាយជាង ៤៥០ ម៉ាយល៍សមុទ្រ ភាគខាងត្បូងកោះរេអុយញ៉ុង។ លោកបានបញ្ជាក់ថា ប្រតិបត្តិការនេះបង្ហាញពីការប្តេជ្ញាចិត្តរបស់បារាំងក្នុងការប្រយុទ្ធប្រឆាំងនឹង «កងនាវាស្រមោល» ដែលជានាវាដឹកជញ្ជូនប្រេងដែលសង្ស័យថាប្រើមធ្យោបាយលាក់បាំងអត្តសញ្ញាណ ឬគេចវេះពីការត្រួតពិនិត្យ។
ក្រោយពិនិត្យឯកសារ និងរកឃើញភាពមិនប្រក្រតីពាក់ព័ន្ធនឹងទង់ជាតិ នាវានេះត្រូវបានបង្វែរទិសដៅ និងអមដំណើរទៅកាន់តំបន់ចតនាវាក្បែរកោះរេអុយញ៉ុង ដើម្បីត្រួតពិនិត្យបន្ថែម។
សមាជិកនាវិកទាំង ២១ នាក់ ដែលមានសញ្ជាតិផ្សេងៗគ្នា នៅតែស្ថិតនៅលើនាវា ក្រោមការត្រួតពិនិត្យរបស់កងទ័ពបារាំង។
លោក ម៉ាក្រុង មិនបានបញ្ជាក់ថា នាវានេះមានទំនាក់ទំនងជាមួយប្រទេសរុស្ស៊ីឬយ៉ាងណានោះទេ៕
