កាលពីថ្ងៃទី១២ ខែតុលា ឆ្នាំ២០២៦ កងទ័ពអ៊ីស្រាអែលបានចូលតំបន់ជនបទគូណេត្រាភាគនិរតីប្រទេសស៊ីរី និងបានរារាំងប្រជាពលរដ្ឋក្នុងតំបន់មិនឱ្យជីកគ្រឹះសម្រាប់សាងសង់អគារ។ នេះបើយោងតាមទូរទស្សន៍រដ្ឋស៊ីរី Alikhbariah។
ប្រភពពីសារព័ត៌មានAA news។
ប្រភពដដែលបានរាយការណ៍ថា រថយន្តយោធាអ៊ីស្រាអែលចំនួន៦គ្រឿងបានចូលទៅតំបន់ភាគខាងត្បូងទីក្រុងអាល់រ៉ាហ្វីដ ក្នុងខេត្តគូណេត្រា។ ក្នុងហេតុការណ៍មួយផ្សេងទៀត កងទ័ពអ៊ីស្រាអែលក៏បានបំផ្ទុះអគារបន្ទាយយោធាចាស់ដែលបោះបង់ចោល នៅជិតទីក្រុងបេតជីន ភាគខាងលិចជនបទនៃទីក្រុងដាម៉ាស។
ចាប់តាំងពីរបបលោក បាសា អាល់អាសាដ ដួលរលំ នៅថ្ងៃទី៨ ខែធ្នូ ឆ្នាំ២០២៤ អ៊ីស្រាអែលបានពង្រីកប្រតិបត្តិការយោធារបស់ខ្លួននៅក្នុងប្រទេសស៊ីរី និងបានបញ្ជូនកងទ័ពចូលតំបន់ទ្រនាប់ដែលគ្មានកងទ័ពនៅតំបន់កម្ពស់ហ្គោឡង់។
ជាការឆ្លើយតប ស៊ីរីបានទាមទារឱ្យអ៊ីស្រាអែលដកកងទ័ពចេញពីតំបន់ដែលខ្លួនបានកាន់កាប់ និងគោរពកិច្ចព្រមព្រៀងដកកងទ័ពចេញពីគ្នាឆ្នាំ១៩៧៤។ ចំណែកអ៊ីស្រាអែលបានអះអាងថា សកម្មភាពរបស់ខ្លួនធ្វើឡើងដើម្បីការពារសន្តិសុខ៕
