មនុស្ស៤នាក់ បានស្លាប់ដោយសារភ្លៀងធ្លាក់ខ្លាំង និងទឹកជំនន់ភ្លាមៗនៅប្រទេសស៊ីរី លីប៊ី និងហ្ស៊កដានី កាលពីថ្ងៃអង្គារ ទី១៣ ខែតុលា ឆ្នាំ២០២៦។
ប្រភពពីសារព័ត៌មានAA news។
នៅប្រទេសស៊ីរី កុមារ ២ នាក់ ត្រូវបានទឹកជំនន់ហូរកួចយកទៅក្នុងតំបន់ម៉ាដាន ខេត្តរ៉ាក់កា។ នៅប្រទេសលីប៊ី បុគ្គលិកធនាគារម្នាក់បានស្លាប់ដោយសារឆក់ចរន្តអគ្គិសនី ខណៈកំពុងធ្វើដំណើរទៅធ្វើការ។ ភ្លៀងខ្លាំងក៏បានធ្វើឱ្យលិចតំបន់មួយចំនួន បំផ្លាញអគារ និងយានយន្ត ព្រមទាំងបង្ខំឱ្យអាជ្ញាធរផ្អាកការផ្គត់ផ្គង់អគ្គិសនីនៅតំបន់រងគ្រោះមួយចំនួន។
ចំណែកនៅប្រទេសហ្ស៊កដានី ក្រុមជួយសង្គ្រោះបានរកឃើញសាកសពបុរសអាយុ ២៣ ឆ្នាំម្នាក់ ដែលត្រូវទឹកជំនន់ហូរកួចយកទៅក្នុងតំបន់រូវ៉ៃស៊ីដភាគខាងកើតប្រទេស។
ជាមួយគ្នានេះ អាជ្ញាធរអារ៉ាប៊ីសាអូឌីត និងអាល់ហ្សេរី បានចេញការព្រមានអំពីភ្លៀងធ្លាក់ខ្លាំង និងហានិភ័យទឹកជំនន់ ខណៈតំបន់មួយចំនួននៃប្រទេសអេមីរ៉ាតអារ៉ាប់រួមក៏មានភ្លៀងធ្លាក់ និងការព្រមានអំពីទឹកជំនន់ផងដែរ។
អាជ្ញាធរបានអំពាវនាវឱ្យប្រជាពលរដ្ឋជៀសវាងតំបន់ដែលងាយរងគ្រោះដោយទឹកជំនន់ ដើម្បីការពារសុវត្ថិភាព៕
