(ភ្នំពេញ)៖ នាឱកាសបំពេញទស្សនកិច្ចនៅប្រទេសតួកគីយ៉េ កាលពីថ្ងៃសុក្រ ទី១៦ ខែតុលា ឆ្នាំ២០២៦។
សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអនុញ្ញាតឱ្យលោក វ៉ាន សាកូលីន ពលរដ្ឋខ្មែរម្នាក់ដែលកំពុងធ្វើដំណើរដោយម៉ូតូឆ្លងទ្វីបពីកម្ពុជាទៅកាន់ទីក្រុងមីឡាន ប្រទេសអ៊ីតាលី ចូលជួបសំណេះសំណាលនៅទីក្រុងអ៊ីស្ត្រង់ប៊ុល.!។
សម្តេចធិបតី សម្តែងក្តីរីករាយចំពោះការជួបគ្នាដោយចៃដន្យនេះ ខណៈសម្តេច និងលោក វ៉ាន សាកូលីន បានទៅដល់ទីក្រុងអ៊ីស្ត្រង់ប៊ុលក្នុងពេលដំណាលគ្នា។
សម្តេចធិបតី បានកោតសរសើរចំពោះស្មារតីតស៊ូ និងមហិច្ឆតារបស់លោក វ៉ាន សាកូលីន ក្នុងការធ្វើដំណើរផ្សងព្រេងដ៏វែងឆ្ងាយនេះ។
សម្តេចធិបតី ហ៊ុន ម៉ាណែត បានថ្លែងនូវពាក្យជូនពរដល់លោក វ៉ាន សាកូលីន ឱ្យធ្វើដំណើរបន្តដោយសុវត្ថិភាព និងសម្រេចបាននូវគោលបំណងរបស់ខ្លួនដោយជោគជ័យ៕
