(ប៉ារីស)៖ នាយករដ្ឋមន្ត្រីបារាំង លោក Sebastien Lecornu កាលពីថ្ងៃអង្គារ (ទី២០ ខែតុលា ឆ្នាំ២០២៦) បានប្រកាសថា នឹងដាក់ពង្រាយកម្លាំងប៉ូលិសក្នុងចំនួន«ច្រើនសន្ធឹកសន្ធាប់» សម្រាប់ប្រឆាំងការតវ៉ា ដែលគ្រោង នឹងធ្វើឡើងនៅចុងសប្តាហ៍នេះ។
សារព័ត៌មានCNA។
ប្រទេសដែលមានសេដ្ឋកិច្ចធំជាងគេទីពីរនៅក្នុងតំបន់ ចាយប្រាក់អឺរ៉ូ (Eurozone)មួយនេះ បានរងការញ័ររញ្ជួយកាលពីថ្ងៃសៅរ៍។
ដោយសារអំពើកុបកម្មដ៏អាក្រក់បំផុតមួយចំនួនក្នុងរយៈពេលប៉ុន្មានឆ្នាំចុងក្រោយនេះ។
ដែលកើតឡើងត្រឹមតែ៦ ខែប៉ុណ្ណោះ មុនពេលប្រជាពលរដ្ឋទៅបោះឆ្នោតជ្រើសរើសអ្នកស្នងតំណែងពីប្រធានាធិបតី Emmanuel Macron។
នៅចំពោះមុខសមាជិកសភា ដែលកំពុងខឹងសម្បារ លោក Lecornu បានទទួលស្គាល់ថា ការឆ្លើយតបផ្នែកសន្តិសុខនៅមានកម្រិត ហើយបានសន្យាថា នឹងចាត់វិធានការឱ្យកាន់តែខ្លាំងក្លាជាងមុន មុនពេលរលកនៃការតវ៉ាថ្មីៗនឹងកើតឡើង។
លោក Lecornu បាននិយាយថា៖ «ការដាក់ពង្រាយកម្លាំងសម្រាប់ថ្ងៃសៅរ៍សប្តាហ៍ក្រោយ នឹងមានចំនួនច្រើនសន្ធឹកសន្ធាប់»។
លោកបានចោទប្រកាន់ក្រុមជ្រុលនិយមឆ្វេងថា បានរៀបចំ«ផែនការបះបោរ» ដែលនាំឱ្យកើតមានអំពើកុបកម្មទាំងនេះ។
អំពើកុបកម្មទាំងនោះបានផ្ទុះឡើងនៅក្បែរទីតាំងនៃការតវ៉ាទូទាំងប្រទេស ដែលទាក់ទងនឹងបញ្ហាថ្លៃចំណាយសម្រាប់ការរស់នៅ។
រូបភាពនៃការប៉ះទង្គិចគ្នា ហ្វូងមនុស្សលួចប្លន់ហាងទំនិញ និងអគារសាធារណៈត្រូវបានគេដុតបំផ្លាញកាលពីចុងសប្តាហ៍មុន បានជំរុញឱ្យប្រទេសមួយចំនួន រួមទាំងសហរដ្ឋអាមេរិក ចិន និងអាល្លឺម៉ង់ ចេញសេចក្តីណែនាំអំពីការធ្វើដំណើរសម្រាប់ពលរដ្ឋរបស់ខ្លួនដែលកំពុងស្ថិតនៅក្នុងប្រទេសបារាំង។
អាជ្ញាធរបារាំង កាលពីថ្ងៃចន្ទ បានប្រកាសដាក់បម្រាមគោចរមួយផ្នែកនៅក្នុងទីក្រុងប៉ារីស និងទីក្រុងផ្សេងទៀតមួយចំនួន ហើយលោក Lecornu បាននិយាយថា បម្រាមគោចរថ្មីៗនឹងត្រូវដាក់អនុវត្តនៅថ្ងៃអង្គារ ក្នុងករណីចាំបាច់។
បម្រាមគោចរពេលយប់នៅក្នុងរដ្ឋធានីប៉ារីស ដែលចាប់ផ្តើមពីម៉ោង ៩ យប់ (ម៉ោង GMT) ថ្ងៃអង្គារ (ត្រូវនឹងម៉ោង ៥ ព្រឹក ថ្ងៃពុធ ម៉ោងនៅសិង្ហបុរី) ត្រូវបានអនុវត្តនៅទីលាន Republique ក្នុងតំបន់ភាគកណ្តាលខាងកើត និងសង្កាត់ Les Halles ក្នុងតំបន់កណ្តាលទីក្រុង ដែលជាតំបន់ពោរពេញទៅដោយហាងទំនិញ។
លើសពីនេះ ក៏មានការហាមឃាត់ការជួបជុំសាធារណៈនៅតំបន់ Champs-Elysees ដែលនៅជិតអគារសាធារណៈជាច្រើន និងនៅតាមស្ថានីយរថភ្លើងផងដែរ។
ប៉ូលិសទីក្រុងប៉ារីសក៏បានចេញបញ្ជាហាមឃាត់ជាបណ្តោះអាសន្នមិនឱ្យបុគ្គលណាម្នាក់កាន់កាប់កំប៉ុង ឬដបដែលមានផ្ទុកប្រេងសាំង ឬឧស្ម័នឡើយ បន្ទាប់ពីមានហ្វូងមនុស្សបានដុតបំផ្លាញអគាររដ្ឋាភិបាល និងហាងទំនិញនានាកាល លោក Sylvain Courant អ្នករស់នៅក្នុងសង្កាត់ Les Halles ដែលជាចំណុចក្តៅមួយទៀតនៃអំពើហិង្សានៅតាមដងផ្លូវ បាននិយាយថា៖ «សំឡេងឧទ្ធម្ភាគចក្រនៅម៉ោង ១ ទៀបភ្លឺ គឺពិតជាបង្កឱ្យមានអារម្មណ៍តានតឹងមិនស្រួលឡើយ»។
គួរំលឹកថា បាតុកម្មហិង្សានៅបារាំង នាពេលថ្មីៗនេះ.ឃាត់ខ្លួនប្រហែល២.៤០០នាក់.ប៉ូលីសរបួសប្រហែល១.០០០នាក់ ខណៈអ្នកចូលរួមធ្វើបាតុកម្ម ជាងកន្លះលាននាក់៕
