បេសកជនពិសេសរបស់សហរដ្ឋអាមេរិក លោក Steve Witkoff បានឱ្យដឹងកាលពីថ្ងៃទី២១ ខែតុលា ឆ្នាំ២០២៦ ថា កិច្ចចរចារវាងអាមេរិក រុស្ស៊ី អ៊ុយក្រែន និងមេដឹកនាំអឺរ៉ុប ដើម្បីបញ្ចប់សង្គ្រាមនៅអ៊ុយក្រែន ទទួលបានលទ្ធផលវិជ្ជមានមួយចំនួន ហើយនឹងបន្តនៅកម្រិតបច្ចេកទេស។
ប្រភពពីសារព័ត៌មានAA news នៅថ្ងៃទី២២ខែតុលា។
លោក Witkoff បានបញ្ជាក់ថា កិច្ចប្រជុំជាមួយប្រធានាធិបតីរុស្ស៊ី លោក Vladimir Putin និងប្រធានាធិបតីអ៊ុយក្រែន លោក Volodymyr Zelenskyy បានផ្តោតលើការរៀបចំក្របខណ្ឌសម្រាប់កិច្ចព្រមព្រៀងសន្តិភាព។
ទោះជាយ៉ាងណា លោកបានសង្កត់ធ្ងន់ថា នៅមានការងារជាច្រើនទៀតដែលត្រូវធ្វើ មុនពេលភាគីទាំងអស់អាចឈានដល់កិច្ចព្រមព្រៀង ដើម្បីបញ្ចប់សង្គ្រាម និងធានាសន្តិភាពយូរអង្វែង។
ជាមួយគ្នានេះ ជំនួយការប្រធានាធិបតីរុស្ស៊ី លោក Yury Ushakov បាននិយាយថា សង្គ្រាមនៅអ៊ុយក្រែនកំពុងខិតជិតដល់ដំណោះស្រាយ ប៉ុន្តែពិបាកកំណត់ថា ភាគីទាំងអស់នៅឆ្ងាយ ឬជិតប៉ុណ្ណាពីការឈានដល់កិច្ចព្រមព្រៀងសន្តិភាព៕
