ក្រុមឧទ្ទាមហ៊ូទីនៅប្រទេសយេម៉ែន បាននៅថ្ងៃទី២៦ ខែតុលា ឆ្នាំ២០២៦ ថាខ្លួនបានបាញ់មីស៊ីលចំនួនពីរលើក សំដៅទៅលើទីតាំងយោធា និងឃ្លាំងអាវុធរបស់កងកម្លាំងអារ៉ាប៊ីសាអូឌីតនៅខេត្តអាដែន និងខេត្តឡាហ៊ីច ភាគខាងត្បូងប្រទេសយេម៉ែន។
សារព័ត៌មានAnadolu Agency។
អ្នកនាំពាក្យក្រុមហ៊ូទី លោក យ៉ាហ្យា សារី បាននិយាយថា ការវាយប្រហារបានកំណត់គោលដៅលើទីតាំងយោធានៅតំបន់សាឡាហ៍ អាល់ឌីន ក្នុងខេត្តអាដែន និងតំបន់អាល់វ៉ាហាត់ ក្នុងខេត្តឡាហ៊ីច។
លោកបានអះអាងថា ការវាយប្រហារនេះបានបណ្ដាលឱ្យមានអ្នកស្លាប់ និងរបួសរាប់សិបនាក់ ព្រមទាំងបំផ្លាញរថយន្ត និងឃ្លាំងអាវុធមួយចំនួន។ ទោះជាយ៉ាងណា ព័ត៌មានអំពីចំនួនអ្នកស្លាប់ និងការខូចខាតទាំងនេះ មិនទាន់មានការបញ្ជាក់ឯករាជ្យនៅឡើយទេ។
ការអះអាងនេះបានកើតឡើងប៉ុន្មានម៉ោង បន្ទាប់ពីក្រុមហ៊ូទីបានបាញ់មីស៊ីលបាលីស្ទិកសំដៅទៅកាន់ទីក្រុងរីយ៉ាដ រដ្ឋធានីអារ៉ាប៊ីសាអូឌីត។ ក្រុមចម្រុះដឹកនាំដោយអារ៉ាប៊ីសាអូឌីតបានអះអាងថា ខ្លួនបានស្ទាក់ចាប់ និងបំផ្លាញមីស៊ីលនោះ៕
