ប្រធានាធិបតីរុស្ស៊ី លោក វ្ល៉ាឌីមៀ ពូទីន បានអញ្ជើញប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី ទៅកាន់ទីក្រុងមូស្គូ ដើម្បីចរចាដោយផ្ទាល់និងបានសន្យាថា នឹងធានាសុវត្ថិភាពរបស់លោក។
សារព័ត៌មានAnadolu Agency នៅថ្ងៃទី២៨ខែតុលា។
ជំនួយការប្រធានាធិបតីរុស្ស៊ី លោក យូរី អ៊ូសាកូវ បាននិយាយថា នាយករដ្ឋមន្ត្រីន័រវែស និងប្រធានាធិបតីហ្វាំងឡង់ បានប្រាប់លោកពូទីនតាមទូរស័ព្ទថា លោកហ្សេលេនស្គីមានបំណងចង់ចរចាដោយផ្ទាល់ជាមួយមេដឹកនាំរុស្ស៊ី។
កិច្ចសន្ទនានេះក៏បានផ្តោតលើការបន្តកិច្ចចរចារវាងរុស្ស៊ី អ៊ុយក្រែន និងសហរដ្ឋអាមេរិក នៅទីក្រុងអាប៊ូដាប៊ី ប្រទេសអេមីរ៉ាតអារ៉ាប់រួមផងដែរ។
លោកអ៊ូសាកូវបានបញ្ជាក់ថា បញ្ហាចូលរួមរបស់តំណាងអឺរ៉ុបក្នុងកិច្ចចរចានេះ មិនទាន់ត្រូវបានពិភាក្សានៅឡើយទេ។ កិច្ចសន្ទនាតាមទូរស័ព្ទបានចំណាយពេល ៩០ នាទី ហើយភាគីទាំងអស់បានព្រមព្រៀងថា នឹងបន្តទាក់ទងគ្នាម្តងទៀត ប្រសិនបើចាំបាច់៕
