អ៊ីស្រាអែលបានចាប់ផ្តើមរាប់សន្លឹកឆ្នោតពិសេសជាង ៥០ម៉ឺនសន្លឹក នៅព្រឹកថ្ងៃព្រហស្បតិ៍ ទី២៩ ខែតុលា ដែលអាចប៉ះពាល់ដល់ការបែងចែកអាសនៈក្នុងសភា។ ការរាប់សន្លឹកឆ្នោតនេះ ត្រូវបានរំពឹងថានឹងបញ្ចប់នៅល្ងាចថ្ងៃដដែល។
សារព័ត៌មានAnadolu Agency។
សន្លឹកឆ្នោតទាំងនេះ គឺសម្រាប់អ្នកបោះឆ្នោតដែលមិនអាចបោះឆ្នោតនៅការិយាល័យដែលខ្លួនបានចុះឈ្មោះ ដូចជា ទាហាន អ្នកការទូត ប៉ូលិស និងប្រជាពលរដ្ឋដែលត្រូវបានផ្លាស់ទីលំនៅ។
យោងតាមលទ្ធផលរាប់សន្លឹកឆ្នោតធម្មតា ប្លុកគាំទ្រនាយករដ្ឋមន្ត្រី បេនចាមីន ណេតាន់យ៉ាហ៊ូ ទទួលបានការព្យាករណ៍ចំនួន ៥៣ អាសនៈ ខណៈប្លុកប្រឆាំងដែលដឹកនាំដោយលោក ហ្គាឌី អ៊ីសិនកូត ទទួលបាន ៤៨ អាសនៈ។ ចំណែកគណបក្សអារ៉ាប់ទទួលបានសរុប ១៩ អាសនៈ។
ទោះជាយ៉ាងណា ប្លុកទាំងពីរមិនទាន់មានសំឡេងគ្រប់គ្រាន់ ដើម្បីទទួលបានអាសនៈភាគច្រើនក្នុងសភាដែលមាន ១២០ អាសនៈនោះទេ ព្រោះត្រូវការយ៉ាងហោចណាស់ ៦១ អាសនៈ។
គណៈកម្មការរៀបចំការបោះឆ្នោតបានឱ្យដឹងថា អត្រាអ្នកចេញទៅបោះឆ្នោតមាន ៧៧,៧% ដែលជាកម្រិតខ្ពស់បំផុតចាប់តាំងពីឆ្នាំ១៩៩៩មក៕
