អង្គការសហប្រជាជាតិ (UN) បានឱ្យដឹងកាលពីថ្ងៃទី២៩ ខែតុលា ឆ្នាំ២០២៦ ថាប្រជាជនប៉ាឡេស្ទីនប្រមាណ៣.០០០នាក់ នៅតែត្រូវបានបង្ខំឱ្យចាកចេញពីផ្ទះសម្បែង ក្នុងតំបន់ចំនួន២ នៃទីក្រុងហេប្រុន ក្នុងតំបន់វេសប៊ែង ដែលស្ថិតក្រោមការកាន់កាប់របស់អ៊ីស្រាអែល។
សារព័ត៌មានAnadolu Agency។
អ្នកនាំពាក្យ UN បាននិយាយថា កងកម្លាំងអ៊ីស្រាអែលនៅតែបន្តប្រតិបត្តិការនៅតំបន់ទាំងនេះ ដោយរារាំងការចូលទៅកាន់តំបន់ និងរឹតត្បិតការធ្វើដំណើររបស់ប្រជាជន។
UN បញ្ជាក់ថា សកម្មភាពទាំងនេះកំពុងបង្កការលំបាកដល់ប្រជាជនប៉ាឡេស្ទីនក្នុងការប្រកបរបរចិញ្ចឹមជីវិត ការសិក្សា និងការទទួលបានសេវាសុខាភិបាល។ អង្គការនេះក៏បានអំពាវនាវឱ្យមានការការពារសុវត្ថិភាពប្រជាជនប៉ាឡេស្ទីននៅទូទាំងតំបន់វេសប៊ែងផងដែរ។
ជាមួយគ្នានេះ UN ក៏បានថ្កោលទោសការបំផ្លិចបំផ្លាញវិហារសាសនា ដោយបញ្ជាក់ថា វិហារសាសនាទាំងអស់ត្រូវតែមានសុវត្ថិភាព និងប្រជាជនគ្រប់រូបត្រូវទទួលបានសិទ្ធិសេរីភាពក្នុងការគោរពសាសនា។ តាមរបាយការណ៍របស់ UN មានវិហារអ៊ីស្លាមចំនួន ១៤ ត្រូវបានក្រុមអ្នកតាំងលំនៅអ៊ីស្រាអែលបំផ្លិចបំផ្លាញក្នុងឆ្នាំ២០២៦នេះ៕
