គណៈកម្មការរៀបចំការបោះឆ្នោតនូវែលសេឡង់ បានឱ្យដឹងថ្ងៃទី២ ខែវិច្ឆិកា ថា ប្រជាជនជិត១លាននាក់បានចូលរួមបោះឆ្នោត មុនកាលកំណត់ ក្នុងរយៈពេលមួយសប្តាហ៍ដំបូង មុនការបោះឆ្នោតសកល ដែលនឹងប្រព្រឹត្តទៅនៅថ្ងៃទី៧ ខែវិច្ឆិកា ឆ្នាំ២០២៦។
សារព័ត៌មានReuter។
តាមទិន្នន័យ គិតចាប់ពីថ្ងៃទី២៦ ខែតុលា ដល់ថ្ងៃទី១ ខែវិច្ឆិកា មានប្រជាជនចំនួន ៩១៣.៧៦២ នាក់បានបោះឆ្នោតមុនកាលកំណត់ ដែលកើនឡើង ២៨% បើធៀបនឹងរយៈពេលដូចគ្នាក្នុងការបោះឆ្នោតឆ្នាំ២០២៣។ ថ្ងៃសៅរ៍គឺជាថ្ងៃដែលមានអ្នកបោះឆ្នោតច្រើនជាងគេ ដោយមានជាង ១៩០.០០០ នាក់។
មន្ត្រីរៀបចំការបោះឆ្នោតបាននិយាយថា ការចូលរួមបោះឆ្នោតបានចាប់ផ្តើមយ៉ាងល្អ ហើយប្រជាជននៅមានពេល ៦ ថ្ងៃទៀតដើម្បីបោះឆ្នោតមុនកាលកំណត់។
ទោះជាយ៉ាងណា ការបោះឆ្នោតឆ្នាំនេះកំពុងប្រឈមនឹងការរិះគន់ជុំវិញច្បាប់ថ្មី ដែលបានបញ្ចប់ការចុះឈ្មោះអ្នកបោះឆ្នោតមុនថ្ងៃបោះឆ្នោតចំនួន ១៣ ថ្ងៃ។ អ្នករិះគន់បារម្ភថា ច្បាប់នេះអាចធ្វើឱ្យប្រជាជនមួយចំនួនមិនអាចចូលរួមបោះឆ្នោតបាន។
ជាមួយគ្នានេះ ការស្ទង់មតិចុងក្រោយនៅតែមិនទាន់បង្ហាញថា គណបក្សណាមួយនឹងទទួលបានជ័យជម្នះ ឬអាចបង្កើតរដ្ឋាភិបាលចម្រុះបាននោះទេ៕
