អតីតនាយករដ្ឋមន្ត្រីអ៊ីស្រាអែល លោក ណាហ្វតាលី បេនណេត (Naftali Bennett) បានប្រកាសថា គណបក្សរបស់លោកនឹងគាំទ្រលោក ហ្គាឌី អ៊ីសិនកូត (Gadi Eisenkot) ឱ្យទទួលភារកិច្ចបង្កើតរដ្ឋាភិបាលថ្មី បន្ទាប់ពីការបោះឆ្នោតសភាអ៊ីស្រាអែល។
សារព័ត៌មានAnadolu Agency នៅថ្ងៃទី២ខែវិច្ឆិកា។
ការសម្រេចចិត្តនេះបានពង្រឹងឱកាសរបស់លោក អ៊ីសិនកូត ក្នុងការទទួលបានសិទ្ធិពីប្រធានាធិបតីអ៊ីស្រាអែល លោក អ៊ីសាក់ ហឺហ្សុក ដើម្បីបង្កើតរដ្ឋាភិបាល។
លទ្ធផលបោះឆ្នោតចុងក្រោយបង្ហាញថា ក្រុមគាំទ្រលោកនាយករដ្ឋមន្ត្រី បេនចាមីន នេតាន់យ៉ាហ៊ូ ទទួលបាន ៥៣ អាសនៈ ខណៈគណបក្សប្រឆាំងទទួលបាន ៤៨ អាសនៈ និងគណបក្សអារ៉ាប់ទទួលបាន ១៩ អាសនៈ។
ទោះជាយ៉ាងណា ក្រុមណាមួយក៏មិនអាចទទួលបានសំឡេងភាគច្រើន ៦១ អាសនៈ ក្នុងចំណោមអាសនៈសរុប ១២០ ដើម្បីបង្កើតរដ្ឋាភិបាលដោយខ្លួនឯងបានឡើយ។
ប្រធានាធិបតីអ៊ីស្រាអែល គ្រោងចាប់ផ្តើមពិគ្រោះយោបល់ជាមួយគណបក្សនយោបាយនានា នៅថ្ងៃទី៤ ខែវិច្ឆិកា ដើម្បីសម្រេចថា តើគួរប្រគល់ភារកិច្ចបង្កើតរដ្ឋាភិបាលឱ្យបេក្ខជនរូបណា។
បេក្ខជនដែលទទួលបានភារកិច្ចនេះ នឹងមានពេល ២៨ ថ្ងៃ ដើម្បីបង្កើតរដ្ឋាភិបាល ហើយអាចស្នើសុំពន្យារពេលបន្ថែម ១៤ ថ្ងៃទៀត៕
