ការវាយប្រហារតាមអាកាសរបស់អ៊ីស្រាអែលនៅតំបន់ហ្គាហ្សា បានបណ្តាលឱ្យមនុស្សយ៉ាងហោចណាស់៨នាក់ស្លាប់ ក្នុងនោះមានកុមារអាយុ៤ឆ្នាំម្នាក់ បើតាមការបញ្ជាក់របស់មន្ទីរពេទ្យក្នុងតំបន់ ទោះបីមានបទឈប់បាញ់អស់រយៈពេលជាងមួយឆ្នាំក៏ដោយ។
សារព័ត៌មានBBC នៅថ្ងៃទី២ខែវិច្ចិកា។
នៅទីក្រុងហ្គាហ្សា ភាគខាងជើង ការវាយប្រហារដោយមីស៊ីលនៅជិតសាលា Cairo ក្នុងតំបន់ Al-Rimal បានសម្លាប់មនុស្ស ៣នាក់ រួមទាំងកុមារម្នាក់។ ចំណែកនៅទីក្រុង Khan Younis ភាគខាងត្បូង ការវាយប្រហារដោយដ្រូនបានសម្លាប់មន្ត្រីប៉ូលិស ៥នាក់។
យោធាអ៊ីស្រាអែលបានអះអាងថា ខ្លួនបានវាយប្រហារលើក្រុមមនុស្សដែលខ្លួនចាត់ទុកថាជាសកម្មជនយោធា ប៉ុន្តែមិនទាន់បង្ហាញភស្តុតាងលម្អិតនៅឡើយទេ។
តាមក្រសួងសុខាភិបាលហ្គាហ្សា ចាប់តាំងពីបទឈប់បាញ់ចូលជាធរមានក្នុងខែតុលា ឆ្នាំ២០២៥ មក មានប្រជាជនប៉ាឡេស្ទីនស្លាប់ចំនួន ១.៥៨០នាក់។ ចំណែកចំនួនអ្នកស្លាប់សរុបចាប់តាំងពីសង្គ្រាមផ្ទុះឡើងនៅថ្ងៃទី៧ ខែតុលា ឆ្នាំ២០២៣ បានកើនដល់ ៧៤.៥៩៤នាក់។
ទន្ទឹមនឹងនេះ ផែនការសន្តិភាពសម្រាប់តំបន់ហ្គាហ្សា ដែលសម្របសម្រួលដោយរដ្ឋបាលប្រធានាធិបតីអាមេរិក ដូណាល់ ត្រាំ ក៏កំពុងជាប់គាំង ដោយការវាយប្រហារនៅតែបន្តកើតមាន ទោះបីមានកិច្ចព្រមព្រៀងឈប់បាញ់ក៏ដោយ៕
