កាលពីថ្ងៃទី៣ ខែវិច្ឆិកា ឆ្នាំ២០២៦ រុស្ស៊ីបានបើកការវាយប្រហារតាមអាកាសទ្រង់ទ្រាយធំលើប្រទេសអ៊ុយក្រែន ដោយបានវាយប្រហារមន្ទីរពេទ្យមួយក្នុងទីក្រុងខាគីវ (Kharkiv) បណ្តាលឱ្យមនុស្សយ៉ាងហោចណាស់ ៧៣នាក់រងរបួស និងបំផ្លាញផ្នែកព្យាបាលជំងឺបេះដូង។
សារព័ត៌មានAl Jazeera។
ប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី បានឱ្យដឹងថា ការវាយប្រហារក៏បានកំណត់គោលដៅលើរោងចក្រផលិតអគ្គិសនី និងស្ថានីយបញ្ជូនថាមពលនៅក្នុងតំបន់ចំនួន ៩ របស់អ៊ុយក្រែនផងដែរ។
លោកបានបញ្ជាក់ថា រុស្ស៊ីបានប្រើប្រាស់ដ្រូនវាយប្រហារ ២៨៩គ្រឿង មីស៊ីលបាលីស្ទិក ១៧គ្រាប់ និងមីស៊ីលគ្រូស ៥៩គ្រាប់ ក្នុងការវាយប្រហារពេញមួយយប់។
ជាមួយគ្នានេះ អង្គការសហប្រជាជាតិបានថ្កោលទោសការវាយប្រហាររបស់រុស្ស៊ីលើទីតាំងចែកចាយជំនួយមនុស្សធម៌ ដែលបានសម្លាប់មនុស្សយ៉ាងហោចណាស់ ៣៣នាក់កាលពីមុន ដោយចាត់ទុកថា ការវាយប្រហារនេះអាចជាការរំលោភច្បាប់អន្តរជាតិ៕
