កាលពីយប់ថ្ងៃទី៣ ខែវិច្ឆិកា ឆ្នាំ២០២៦ អ៊ុយក្រែនបានប្រើប្រាស់ដ្រូនវាយប្រហារលើរោងចក្រចម្រាញ់ប្រេងដ៏ធំមួយរបស់រុស្ស៊ី នៅតំបន់យ៉ារ៉ូស្លាវ (Yaroslavl) បណ្តាលឱ្យខូចខាតហេដ្ឋារចនាសម្ព័ន្ធ និងបុគ្គលិក២នាក់រងរបួសដោយសារបំណែកគ្រាប់។
សារព័ត៌មានKyiv Post។
អភិបាលតំបន់យ៉ារ៉ូស្លាវ លោក មីខាអ៊ីល យេវរ៉ាយ៉េវ បានឱ្យដឹងថា ប្រព័ន្ធការពារដែនអាកាសរុស្ស៊ីបានបាញ់ទម្លាក់ដ្រូនចំនួន ១២៤គ្រឿង នៅក្នុងតំបន់នេះ។ ប៉ុន្តែបំណែកដ្រូនបានធ្លាក់បំផ្លាញអគារផ្ទះល្វែង និងផ្ទះប្រជាពលរដ្ឋមួយចំនួនផងដែរ។
តាមសេចក្តីរាយការណ៍ រោងចក្រចម្រាញ់ប្រេង Novo-Yaroslavl ដែលគ្រប់គ្រងដោយក្រុមហ៊ុន Slavneft-YANOS បានឆាបឆេះយ៉ាងហោចណាស់៥កន្លែង បន្ទាប់ពីការវាយប្រហារ។
ការវាយប្រហារនេះកើតឡើងក្នុងពេលដែលអ៊ុយក្រែនកំពុងបង្កើនការវាយប្រហារលើហេដ្ឋារចនាសម្ព័ន្ធថាមពល និងឧស្សាហកម្មប្រេងរបស់រុស្ស៊ី ដើម្បីដាក់សម្ពាធលើសមត្ថភាពផ្គត់ផ្គង់ថាមពល និងសេដ្ឋកិច្ចរបស់ទីក្រុងម៉ូស្គូ៕
