កាលពីថ្ងៃទី៣ ខែវិច្ឆិកា ឆ្នាំ២០២៦ ប្រធានាធិបតីកូរ៉េខាងត្បូង លោក លី ជេម្យុង និងប្រធានាធិបតីតួកគី លោក រ៉េសេប តាយយីប អេរដូហ្គែន បានព្រមព្រៀងពង្រីកកិច្ចសហប្រតិបត្តិការរវាងប្រទេសទាំងពីរ លើវិស័យថាមពលនុយក្លេអ៊ែរ ការពារជាតិ និងហេដ្ឋារចនាសម្ព័ន្ធ។
សារព័ត៌មានReuter។
ក្នុងជំនួបកំពូលនៅទីក្រុងសេអ៊ូល មេដឹកនាំទាំងពីរក៏បានពិភាក្សាអំពីកិច្ចសហប្រតិបត្តិការលើវិស័យជីវបច្ចេកវិទ្យា និងធនធានរ៉ែសំខាន់ៗ ព្រមទាំងការផលិត និងនាំចេញសម្ភារការពារជាតិរួមគ្នាទៅកាន់ប្រទេសទីបី។
លោក លី បានឱ្យដឹងថា កូរ៉េខាងត្បូងកំពុងប្រកួតប្រជែងដើម្បីចូលរួមសាងសង់រ៉េអាក់ទ័រនុយក្លេអ៊ែរចំនួន៤ នៅខេត្តស៊ីណូប (Sinop) របស់ប្រទេសតួកគី។
ជាមួយគ្នានេះ លោក អេរដូហ្គែន បានបញ្ជាក់ថា ប្រទេសទាំងពីរមានគោលដៅបង្កើនទំហំពាណិជ្ជកម្មទ្វេភាគីពី ១១ពាន់លានដុល្លារ ទៅ ១៥ពាន់លានដុល្លារ ព្រមទាំងពិនិត្យឡើងវិញលើកិច្ចព្រមព្រៀងពាណិជ្ជកម្មសេរី ដើម្បីពង្រឹងទំនាក់ទំនងសេដ្ឋកិច្ចរវាងប្រទេសទាំងពីរ៕
