គណបក្សប្រជាធិបតេយ្យបានទទួលជ័យជម្នះយ៉ាងធំក្នុងការបោះឆ្នោតពាក់កណ្ដាលអាណត្តិរបស់សហរដ្ឋអាមេរិក កាលពីថ្ងៃអង្គារ ទី៣ ខែវិច្ឆិកា ឆ្នាំ២០២៦ ដោយដណ្ដើមបានសំឡេងភាគច្រើននៅក្នុងសភាតំណាងរាស្ត្រ និងព្រឹទ្ធសភា។ លទ្ធផលនេះត្រូវបានចាត់ទុកថាជាការបង្ហាញពីការមិនពេញចិត្តរបស់អ្នកបោះឆ្នោតចំពោះប្រធានាធិបតី ដូណាល់ ត្រាំ។
សារព័ត៌មានReuter។
តាមការព្យាករណ៍ គណបក្សប្រជាធិបតេយ្យបានដណ្ដើមអាសនៈជាង ២០ ពីគណបក្សសាធារណរដ្ឋនៅក្នុងសភាតំណាងរាស្ត្រ និងដណ្ដើមបានអាសនៈចំនួន ៨ នៅក្នុងព្រឹទ្ធសភា ដែលលើសពីចំនួន ៤ អាសនៈដែលខ្លួនត្រូវការដើម្បីគ្រប់គ្រងព្រឹទ្ធសភា។
ជ័យជម្នះនេះកើតឡើងចំពេលអ្នកបោះឆ្នោតមានការមិនពេញចិត្តចំពោះការដោះស្រាយសេដ្ឋកិច្ចរបស់លោកត្រាំ និងការសម្រេចចិត្តចាប់ផ្ដើមសង្គ្រាមជាមួយអ៊ីរ៉ង់ ដែលធ្វើឱ្យតម្លៃសាំងកើនឡើងយ៉ាងខ្លាំង។
ជាមួយគ្នានេះ លោក Abdul El-Sayed បេក្ខជនគណបក្សប្រជាធិបតេយ្យ ក៏បានឈ្នះការបោះឆ្នោតព្រឹទ្ធសភានៅរដ្ឋ Michigan ផងដែរ។ តាមការព្យាករណ៍ លោកបានក្លាយជាជនមូស្លីមដំបូងគេដែលជាប់ឆ្នោតចូលព្រឹទ្ធសភាសហរដ្ឋអាមេរិក។
ចំណែកលោកត្រាំបាននិយាយថា លោកនឹងទទួលស្គាល់លទ្ធផលបោះឆ្នោត ប៉ុន្តែបានលើកឡើងថា ការចាញ់របស់គណបក្សសាធារណរដ្ឋមួយផ្នែកដោយសារតែលោកមិនបានឈរឈ្មោះក្នុងការបោះឆ្នោតនេះ៕
