អនុប្រធានាធិបតីអាមេរិក លោក JD Vance កំពុងព្យាយាមបង្កើតសម្ព័ន្ធភាពនយោបាយថ្មី ដើម្បីទាក់ទាញអ្នកគាំទ្រគណបក្សសាធារណរដ្ឋដែលមិនពេញចិត្តនឹងគោលនយោបាយការបរទេសរបស់ប្រធានាធិបតី ដូណាល់ ត្រាំ ខណៈការបោះឆ្នោតប្រធានាធិបតីឆ្នាំ២០២៨ កាន់តែខិតជិតមកដល់។
សារព័ត៌មានAnadolu Agency នៅថ្ងៃទី៥ខែតុលា។
តាមសេចក្តីរាយការណ៍របស់សារព័ត៌មាន Fox News Digital លោក Vance បានចាប់ផ្តើមបង្ហាញគោលជំហរនយោបាយផ្ទាល់ខ្លួន បន្ទាប់ពីគណបក្សសាធារណរដ្ឋទទួលបរាជ័យក្នុងការបោះឆ្នោតពាក់កណ្តាលអាណត្តិ កាលពីថ្ងៃទី៣ ខែវិច្ឆិកា។
លោក Vance បានលើកឡើងថា ដើម្បីទទួលបានការគាំទ្រពីប្រជាពលរដ្ឋឡើងវិញ រដ្ឋាភិបាលត្រូវបញ្ចប់សង្គ្រាមនៅអ៊ីរ៉ង់ កាត់បន្ថយតម្លៃទំនិញ និងអតិផរណា ផ្តល់អាទិភាពដល់ផលប្រយោជន៍អាមេរិក និងពិនិត្យឡើងវិញនូវទំនាក់ទំនងជាមួយអ៊ីស្រាអែល។
មន្ត្រីសេតវិមានម្នាក់បានឱ្យដឹងថា គោលបំណងរបស់លោក Vance គឺប្រមូលផ្តុំក្រុមអ្នកគាំទ្រនយោបាយស្តាំនិយមថ្មី ដែលនៅតែគាំទ្រគោលនយោបាយ «អាមេរិកជាអាទិភាព» ប៉ុន្តែមិនពេញចិត្តនឹងការដឹកនាំគោលនយោបាយការបរទេសរបស់លោក ត្រាំ។
ទោះជាយ៉ាងណា មន្ត្រីរូបនេះបញ្ជាក់ថា លោក Vance មិនមានបំណងបែកបាក់ជាមួយលោក ត្រាំ នោះទេ ប៉ុន្តែចង់ទាក់ទាញអ្នកគាំទ្រគណបក្សសាធារណរដ្ឋដែលមានការខ្វែងគំនិតលើបញ្ហានយោបាយការបរទេស៕
