ជ័យជម្នះដ៏ធំរបស់គណបក្សប្រជាធិបតេយ្យក្នុងការបោះឆ្នោតពាក់កណ្តាលអាណត្តិរបស់សហរដ្ឋអាមេរិក កាលពីថ្ងៃអង្គារ ទី៣ ខែវិច្ឆិកា ឆ្នាំ២០២៦ អាចនាំឱ្យមានការផ្លាស់ប្តូរគោលនយោបាយថាមពល និងបរិស្ថានរបស់ប្រទេសនេះ ខណៈគណបក្សប្រជាធិបតេយ្យនឹងគ្រប់គ្រងទាំងព្រឹទ្ធសភា និងសភាតំណាងរាស្ត្រ ចាប់ពីខែមករា ឆ្នាំ២០២៧។
សារព័ត៌មានReuter។
យោងតាមសារព័ត៌មាន Reuters ការគ្រប់គ្រងសភារបស់គណបក្សប្រជាធិបតេយ្យអាចធ្វើឱ្យរដ្ឋាភិបាលលោក ដូណាល់ ត្រាំ ប្រឈមនឹងសម្ពាធកាន់តែខ្លាំង ជាពិសេសពាក់ព័ន្ធនឹងសង្គ្រាមជាមួយអ៊ីរ៉ង់ ដែលបានធ្វើឱ្យតម្លៃប្រេងសាំង និងម៉ាស៊ូតនៅអាមេរិកកើនឡើង។ គណបក្សប្រជាធិបតេយ្យអាចព្យាយាមកំណត់លក្ខខណ្ឌលើថវិកាសង្គ្រាម ដើម្បីជំរុញឱ្យអាមេរិកស្វែងរកកិច្ចព្រមព្រៀងរក្សាច្រកសមុទ្រ Hormuz ឱ្យបើកដំណើរការឡើងវិញ។
ចំពោះវិស័យថាមពល គម្រោងច្បាប់ស្តីពីការអនុញ្ញាតសាងសង់ និងអភិវឌ្ឍគម្រោងថាមពលធំៗ ដែលរួមមានទាំងប្រេង ឧស្ម័ន និងថាមពលកកើតឡើងវិញ អាចត្រូវពន្យារពេលអនុម័ត ដោយសារការជំទាស់ពីក្រុមការពារបរិស្ថាន។
ជាមួយគ្នានេះ សមាជិកសភាប្រជាធិបតេយ្យក៏អាចបើកការស៊ើបអង្កេតលើគោលនយោបាយរបស់រដ្ឋបាលលោក ត្រាំ ពាក់ព័ន្ធនឹងកិច្ចព្រមព្រៀងប្រេងជាមួយវេណេស៊ុយអេឡា និងរុស្ស៊ី ព្រមទាំងការផ្តល់អត្ថប្រយោជន៍ពន្ធ និងប្រាក់ឧបត្ថម្ភដល់ក្រុមហ៊ុនប្រេង និងឧស្ម័នផងដែរ៕
